கம்பன் இலக்கியச் சங்கத்தின் 1148 ஆவது தொடர் சொற்பொழிவு

கம்பன் இலக்கியச் சங்கத்தின் 1148 ஆவது தொடர் சொற்பொழிவு பாளை.யில் நடைபெற்றது.
பாளையங்கோட்டையில் உள்ள மாநிலத் தமிழ்ச் சங்க வளாகத்தில் நடைபெற்ற நிகழ்ச்சிக்கு அமைப்பின் தலைவர் கு.சடகோபன் தலைமை வகித்தார். பிரபா கிருட்டிணன் இறைவாழ்த்து பாடினார். தி.ராமன் வரவேற்றார். கம்பன் பாடல்கள் என்ற தலைப்பில் வரலாற்று ஆசிரியர் செ.திவானும், அன்னப்பறவை என்ற தலைப்பில் ஆசிரியர் முருகனும், நாவாய் வேட்டுவன் குகன் என்ற தலைப்பில் இணைச் செயலர் இரா.முருகனும், மகாபாரதத்தில் கிருட்டிணன் உரைகள் என்ற தலைப்பில் பொருளாளர் மு.அ.நசீரும் சொற்பொழிவாற்றினர். புலவர் வை.ராமசாமி, நெல்லையப்பன், சண்முகையா, ஆசிரியர் கோதைமாறன், பி.சுந்தரம், உமையொருபாகம், நாகராஜன் உள்பட பலர் கலந்துகொண்டனர். நிலா இலக்கிய வட்டப் பொறுப்பாளர் ந.ராசகோபால் நன்றி கூறினார்.