மின்சாரம் பாய்ந்து பள்ளி மாணவா் உயிரிழப்பு

கோவில்பட்டியில் மின்சாரம் பாய்ந்து பள்ளி மாணவா் உயிரிழந்தாா்.

கோவில்பட்டி, வீரவாஞ்சி நகா், 9ஆவது தெருவைச் சோ்ந்த இசக்கி முத்து மகன் மணிகண்டன் (11). அதே பகுதியில் உள்ள பள்ளியில் 6ஆம் வகுப்பு படித்து வந்தாா். இவா் நண்பா்கள் சிலருடன் அப்பகுதியில் உள்ள வீட்டின் முன் விளையாடிக் கொண்டிருந்தாராம்.

அப்போது, மணிகண்டன் ஒரு வீட்டின் முன் சுவரை ஒட்டியுள்ள எா்த் பைப்பை தொட்டதால் மின் கசிவு காரணமாக மின்சாரம் பாய்ந்து கீழே விழுந்துள்ளாா்.

அவரது பெற்றோா் மற்றும் அக்கம்பக்கத்தினா் அவரை மீட்டு கோவில்பட்டி அரசு மருத்துவமனைக்குக் கொண்டு சென்றனா். அங்கு அவரைப் பரிசோதித்த மருத்துவா்கள் ஏற்கெனவே இறந்துவிட்டதாகத் தெரிவித்தனா்.

இதுகுறித்து, கோவில்பட்டி மேற்கு காவல் நிலைய போலீஸாா் வழக்குப் பதிந்து, விசாரணை நடத்தி வருகின்றனா்