யூடியூப்பில் மதம் குறித்து அவதூறு: சென்னையைச் சோ்ந்தவா் கைது

யூடியூப் சேனல்களில் குறிப்பிட்ட மதம் குறித்து இழிவான, ஆபாசமான கருத்துகளைப் பதிவிட்டதாக எழுந்த புகாரின்பேரில், சென்னையைச் சோ்ந்தவரை தூத்துக்குடி சைபா் குற்றப் பிரிவு போலீஸாா் கைது செய்தனா்.

தூத்துக்குடி மாவட்டம், தாளமுத்து நகரைச் சோ்ந்த நபா் அளித்த புகாரில், யூடியூப் சேனல்களில் வெளியிடப்பட்ட காணொலிகளில் குறிப்பிட்ட மதம் குறித்து இழிவான மற்றும் ஆபாசமான கருத்துகள் தெரிவிக்கப்பட்டுள்ளதாகக் குறிப்பிட்டிருந்தாா்.

இதுகுறித்து, தூத்துக்குடி சைபா் குற்றப் பிரிவு போலீஸாா் வழக்குப் பதிந்து, விசாரணை நடத்தினா். விசாரணையில், சென்னை, அசோக் நகரைச் சோ்ந்த சங்கரன் மகன் கிருஷ்ணவேல் (56), காணொலிகள் மற்றும் நோ்காணல்கள் வாயிலாக யூடியூப் சேனல்களில் இத்தகைய கருத்துகளை வெளியிட்டதாகக் கூறப்படுகிறது.

இதையடுத்து, சென்னையில் இருந்த கிருஷ்ணவேலை போலீஸாா் கைது செய்தனா். பின்னா், அவரை தூத்துக்குடி நீதிமன்றத்தில் சனிக்கிழமை ஆஜா்படுத்தி, நீதிமன்றக் காவலில் அடைத்தனா்.