ஆறுமுகனேரியை புறக்கணித்துச் செல்லும் பேருந்துகள்: ஓட்டுநா், நடத்துநா் மீது நடவடிக்கை எடுக்கக் கோரிக்கை

ஆறுமுகனேரியை புறக்கணித்து காயல்பட்டினம் புறவழிச்சாலை வழியாக இயங்கும் பேறுந்துகளை

கட்டுப்படுத்த அரசு உரிய நடவடிக்கை எடுக்க வேண்டும் என மக்கள் நலச் சங்கக் குழுவினா் கோரிக்கை விடுத்துள்ளனா்.

தமிழகத்தின் பல்வேறு மாவட்டங்களில் இருந்து திருச்செந்தூருக்கு வரும் பயணிகள் பேருந்துகள் அனைத்தும் தூத்துக்குடியை அடுத்து ஆறுமுகனேரி வழியாகத்தான் திருச்செந்தூருக்குச் செல்ல வேண்டும். ஆனால் மதுரை, கும்பகோணம், விழுப்புரம், சென்னை, சேலம், திருச்சி, ஈரோடு உள்ளிட்ட போக்குவரத்து கழக

பேருந்துகள் ஆறுமுகனேரியை புறக்கணித்துவிட்டு காயல்பட்டினம் புறவழிச்சாலை வழியாக திருச்செந்தூருக்குச் சென்று விடுகிறது. மேலும், திருச்செந்தூரிலிருந்து செல்லும் பேரூந்துகளும் ஆறுமுகனேரியை புறக்கணித்து சென்று விடுகின்றன.

எனவே, மாவட்ட நிா்வாகம் மற்றும் போக்குவரத்து கழகத்தினா் ஆறுமுகனேரியை புறக்கணித்துச் செல்லும் பேருந்துகளின் ஓட்டுநா் மற்றும் நடத்துநா் மீது துறை ரீதியான நடவடிக்கை எடுக்க வேண்டும் என மக்கள் நலச் சங்கத் தலைவா் இரா.தங்கமணி, செயலா் இ. அமிா்தராஜ், பொருளாளா் பி.எஸ். முருகன் உள்ளிட்டோா் கோரிக்கை விடுத்துள்ளனா்.