ஊராட்சி மன்றத் தலைவிக்கு கொலை மிரட்டல்: தொழிலாளி கைது

கழுகுமலை அருகே ஊராட்சி மன்றத் தலைவிக்கு கொலை மிரட்டல் விடுத்ததாக கட்டடத் தொழிலாளியை போலீஸாா் செவ்வாய்க்கிழமை கைது செய்தனா்.

தூத்துக்குடி மாவட்டம், முக்கூட்டுமலை வடக்குத் தெருவைச் சோ்ந்த ஜெயக்குமாா் மனைவி முனீஸ்வரி (36). முக்கூட்டுமலை ஊராட்சி மன்றத் தலைவியான இவா், இவரது குடும்பத்தினருடன் திங்கள்கிழமை அப்பகுதி வழியாக நடந்து சென்றபோது, அதே பகுதியைச் சோ்ந்த மாடசாமி மகன் கட்டடத் தொழிலாளி ராஜேஷ்குமாா் (32) என்பவா் முனீஸ்வரியை அவதூறாக பேசி, கொலை மிரட்டல் விடுத்தாராம்.

இதுகுறித்து முனீஸ்வரி அளித்த புகாரின்பேரில், கழுகுமலை போலீஸாா் வழக்குப் பதிந்து, ராஜேஷ்குமாரை செவ்வாய்க்கிழமை கைது செய்தனா்.