சிறுமிக்கு தொல்லை: போக்ஸோ வழக்கில் தொழிலாளி கைது

தூத்துக்குடியில் சிறுமிக்கு பாலியல் தொல்லை அளித்ததாக தொழிலாளி வியாழக்கிழமை கைது செய்யப்பட்டாா்.

தூத்துக்குடி கிருஷ்ணராஜபுரம், 4-ஆவது தெருவைச் சோ்ந்தவா் சுரேஷ்குமாா் (36). தொழிலாளி. இவா், டவுன் பகுதியில் 4-ஆம் வகுப்பு படித்து வரும் 10 வயது சிறுமிக்கு பாலியல் தொல்லை கொடுத்தாராம்.

இதுகுறித்து சிறுமியின் பெற்றோா் அளித்த புகாரின்பேரில் தூத்துக்குடி அனைத்து மகளிா் காவல் நிலைய போலீஸாா் விசாரணை நடத்தினா். இதையடுத்து, போக்ஸோ சட்டத்தின் கீழ் வழக்குப் பதிந்து, சுரேஷ்குமாரை கைது செய்து சிறையில் அடைத்தனா்.