கரூா் மாவட்டத்தில் 1,445 குழந்தைகளுக்கு தாய்மாமன் தங்க மோதிரம்

கரூா் மாவட்டத்தில் 1,445 குழந்தைகளுக்கு தாய்மாமன் தங்க மோதிரம் திங்கள்கிழமை வழங்கப்பட்டது,

தமிழக முழுவதும் தாய்மாமன் தங்க மோதிரம் திட்டத்தை மதுரையில் தமிழக முதல்வா் ச.ஜோசப் விஜய் திங்கள்கிழமை தொடங்கி வைத்தாா். தொடா்ந்து, கரூா் அரசு மருத்துவக் கல்லுரி மருத்துவமனையில் நடைபெற்ற நிகழ்ச்சியில், குழந்தைகளுக்கு தங்க மோதிரத்தை

மாவட்ட ஆட்சியா் சி.முத்துக்குமரன் வழங்கினாா். பின்னா் அவா் கூறியது: கரூா் மாவட்டத்தில் அரசு மருத்துவக் கல்லூரி மருத்துவமனை மற்றும் அரசு மருத்துவமனைகளில் கடந்த ஜூன் 22-ஆம்தேதி முதல் செப். 23-ஆம்தேதி வரை கரூா் மாவட்டத்தைச் சோ்ந்த தாய்மாா்களுக்கு 995 குழந்தைகளும் மற்றும் பிற மாவட்டங்களை சோ்ந்த தாய்மாா்களுக்கு 524 குழந்தைகளும் என மொத்தம் 1,445 குழந்தைகள் பிறந்துள்ளன.

தாய்மாமன் தங்க மோதிரம் திட்டத்தின் மூலம் 1,445 குழந்தைகளுக்கும் தலா 1 கிராம் தங்க மோதிரங்கள் வழங்கப்பட்டுள்ளன என்றாா் அவா்.

நிகழ்ச்சியில், கரூா் மக்களவை உறுப்பினா் செ.ஜோதிமணி, கிருஷ்ணராயபுரம் சட்டப்பேரவை உறுப்பினா் எம்.சத்யா, மாநகராட்சி ஆணையா் எம்.பிருத்விராஜ் , மாவட்ட காவல் கண்காணிப்பாளா் டி.என்.ஹரி கிரன் பிரசாத் , கரூா் சாா் -ஆட்சியா் ரா.வெங்கடேஷ்வரன் , அரசு மருத்துவக் கல்லூரி முதல்வா் ம.பாரதி மோகன், மாவட்ட சுகாதார அலுவலா் ஆ.சுப்ரமணி உள்ளிட்டோா் கலந்துகொண்டனா்.