மின்சாரம் பாய்ந்து எலக்ட்ரீசியன் சாவு

பெரம்பலூர் மாவட்டம், குன்னம் அருகே புதன்கிழமை கோழிப் பண்ணைக்கு மின் இணைப்பு வழங்கிய எலக்ட்ரீசியன் மின்சாரம் பாய்ந்து உயிரிழந்தார்.  
பெரம்பலூர் மாவட்டம், குன்னம் வட்டம், கல்லை கிராமத்தை சேர்ந்தவர் அ. பாலுசாமி (51), எலக்ட்ரீசியன். இவர், புதன்கிழமை காலை தனது நண்பரான செந்தில் என்பவரது கோழிப்பண்ணைக்கு மின் இணைப்பு வழங்கியதாகத் தெரிகிறது. அப்போது, எதிர்பாராதவிதமாக மின்சாரம் பாய்ந்ததில் பாலுசாமி தூக்கி வீசப்பட்டார். இதையடுத்து செந்தில், அவரை மீட்டு பெரம்பலூர் மாவட்ட அரசு தலைமை மருத்துவமனைக்கு கொண்டு சென்றபோது வழியிலேயே பாலுசாமி உயிரிழந்தார். இதுகுறித்து செந்தில் அளித்த புகாரின்பேரில், குன்னம் போலீஸார் வழக்குப் பதிந்து விசாரணை மேற்கொண்டு வருகின்றனர்.