ஓய்வுபெற்ற தலைமை ஆசிரியா் வீட்டின் பூட்டை உடைத்து 78 பவுன் நகைகள் திருட்டு

பெரம்பலூா் அருகே ஓய்வுபெற்ற தலைமை ஆசிரியா் வீட்டின் பூட்டை உடைத்து 78 பவுன் தங்க நகைகளை மா்ம நபா்கள் திருடிச்சென்றது வெள்ளிக்கிழமை காலை தெரியவந்தது.

பெரம்பலூா் மாவட்டம், குரும்பலூா் பேரூராட்சிக்குள்பட்ட பாளையம், காமராஜா் தெருவைச் சோ்ந்தவா் ஆரோக்கியராஜ் மனைவி ராஜலட்சுமி (61), ஓய்வுபெற்ற அரசுப் பள்ளித் தலைமையாசிரியா். இவரது கணவா் இறந்துவிட்ட நிலையில் மகள் ஜொ்லி சாய் சிந்தியா (33), மகன் எட்வா்டு சகாயராஜ் (30) ஆகியோா் சென்னையில் வசிக்கின்றனா்.

திருச்சி சுங்கச்சாவடி பகுதியில் வசித்த ராஜலட்சுமி, கடந்த ஓராண்டுக்கு முன் ஓய்வு பெற்றதையடுத்து தனது சொந்த ஊரான பாளையத்தில் புதிதாக வீடு கட்டி கடந்த மே மாதம் முதல் வசிக்கிறாா்.

இந்நிலையில், கடந்த 10 ஆம் தேதி இரவு ராஜலட்சுமி சென்னையில் உள்ள மகள் வீட்டுக்குச் சென்றுவிட்டாா். இந்நிலையில், ராஜலட்சுமியின் வீட்டருகே வசிக்கும் அவரது தம்பி செல்வக்குமாா் தனது சகோதரி வீட்டை வெள்ளிக்கிழமை காலை பாா்த்தபோது, வீட்டின் முன்புறக் கதவு உடைக்கப்பட்டிருந்தது தெரியவந்தது. இதையடுத்து அவா் அளித்த தகவலின்பேரில் வந்த பெரம்பலூா் ஊரகப் பிரிவு போலீஸாா் நடத்திய விசாரணையில் வீட்டின் பீரோவிலிருந்த சுமாா் ரூ. 1 கோடி மதிபபிலான 78 பவுன் நகைகளை மா்ம நபா்கள் திருடிச் சென்றது தெரியவந்தது.

பின்னா், கைரேகை மற்றும் தடயவியல் நிபுணா்கள் தடயங்களைப் பதிவு செய்தனா். பெரம்பலூா் ஊரகப் பிரிவு போலீஸாா் வழக்குப் பதிந்து விசாரிக்கின்றனா்.