விராலிமலையில் சுகாதார விழிப்புணர்வுப் போட்டி

ஒருங்கிணைந்த கல்வித் திட்டம் வட்டார வளமையம், விராலிமலையில் ஒன்றிய அளவில்  மாணவர்களுக்கு சுகாதாரம் குறித்த விழிப்புணர்வுப் போட்டிகள்  வட்டார வளமையத்தில் புதன்கிழமை நடைபெற்றது.
மோசமான சுகாதாரத்தால் குழந்தைகளின் வளர்ச்சி பாதிக்கப்படுகிறது. எனவே பள்ளிக் குழந்தைகளிடையே சுத்தம், சுகாதாரம் குறித்த விழிப்புணர்வு ஏற்படுத்த வேண்டிய கட்டாயம் ஏற்பட்டுள்ளது. எனவே, மாணவர்களிடையே சுகாதாரம் குறித்த விழிப்புணர்வு ஏற்படுத்தும் பொருட்டு ஓவியப் போட்டி, பேச்சுப் போட்டி, கட்டுரைப் போட்டி மற்றும் வினாடி வினா போட்டிகள் பள்ளி அளவிலும் தொடர்ந்து ஒன்றிய அளவில் நடத்தப்பட்டது. இதில், மாநில அளவில் தூய்மை பள்ளி விருது பெற்ற விராலிமலை ஆண்கள் மேல்நிலை பள்ளி தலைமையாசிரியர், வட்டார வளமைய மேற்பார்வையாளர் ச. புவனேஸ்வரி(பொ) உள்ளிட்டோர் கலந்து கொண்டு சுகாதாரத்தின் முக்கியத்துவம் குறித்து பேசினர். ஏற்பாடுகளை ஆசிரியர் பயிற்றுநர்கள் செய்திருந்தனர்.  
பொன்னமராவதி: வட்டார வளமையத்தில் நடைபெற்ற போட்டியை வளமைய மேற்பார்வையாளர் செல்வக்குமார் தொடங்கிவைத்தார். வட்டாரக் கல்வி அலுவலர்கள் சே.ராமதிலகம், பால்டேவிட் ரொசாரியோ ஆகியோர் முன்னிலை வகித்தனர். வட்டார அளவில் முதலிடம் பெற்ற மாணவர்கள் மாவட்ட அளவிலான போட்டிகளில் பங்கேற்க உள்ளனர். 
ஏற்பாடுகளை ஆசிரியர் பயிற்றுநர் புவனேஸ்வரி செய்திருந்தார். ஆசிரியர்கள் நடுவர்களாக செயல்பட்டனர்.