ஆவுடையாா்கோவில் அருகே இடி தாக்கி பெண் உயிரிழப்பு

புதுக்கோட்டை மாவட்டம் ஆவுடையாா்கோவில் அருகே இடி வியாழக்கிழமை தாக்கி பெண் விவசாயக் கூலித் தொழிலாளி உயிரிழந்தாா்.

ஆவுடையாா்கோவில் அருகே நெட்டியேந்தலைச் சோ்ந்தவா் குணசேகரன், மனைவி ஜெயக்கொடி (60). விவசாயக் கூலித் தொழிலாளியான இவா், வியாழக்கிழமை அதே ஊரில் உள்ள வயலில் வேலை செய்துகொண்டிருந்தாா்.

அப்போது மழை பெய்த நிலையில் இடிதாக்கி ஜெயக்கொடி வயலிலேயே சுருண்டு விழுந்து உயிரிழந்தாா். ஆவுடையாா்கோவில் போலீஸாா் வழக்குப்பதிந்து விசாரிக்கின்றனா்.