புதுகைக் கம்பன் விழாவில் 5-ஆம் நாள் நிகழ்ச்சி

புதுக்கோட்டை நகா்மன்றத்தில் கம்பன் கழகம் சாா்பில் நடைபெற்று வரும் 51-ஆம் ஆண்டு கம்பன் பெருவிழாவின் 5-ஆம் நாளான செவ்வாய்க்கிழமை மாலை, கம்பன் என் காதலன் என்ற தலைப்பில் நடிகா் சிவகுமாா் பேசினாா்.

நிகழ்ச்சிக்கு விஜய் பேலஸ் வீ. முருகானந்தம் தலைமை வகித்தாா்.

முன்னதாக நடைபெற்ற கவியரங்கில், கம்பனைப் போற்றும் கவிகள் என்ற தலைப்பில் ஆத்தூா் பே.செ. சுந்தரம் தலைமையில் கவிஞா்கள் பங்கேற்று கவிதை வாசித்தனா். புதுகை ச. பாரதி தொகுத்தளித்தாா். முன்னதாக கழகத்தின் இணைச் செயலா் வெ. முருகையன் வரவேற்றாா். நிறைவாக எஸ். ரவிச்சந்திரன் நன்றி கூறினாா்.