டெங்கு தடுப்புப் பணியாளா்களுக்குப் பயிற்சி

புதுக்கோட்டை நகா்மன்றத்தில் மாநகராட்சி டெங்கு தடுப்புப் பணியாளா்களுக்கான பயிற்சி புதன்கிழமை நடைபெற்றது.

டெங்கு கொசுப்புழுக்களை தண்ணீரில் மருந்து கலந்து அழித்தல், கொசு நிலையில் புகை மருந்து போட்டு அழித்தல், கொசு உற்பத்தி இடங்களைக் குறைத்தல் ஆகியவை குறித்து விளக்கிக் கூறப்பட்டது. இப் பயிற்சிக்கு மாநகராட்சி ஆணையா் எம். காந்திராஜ் தலைமை வகித்தாா்.

நகா்நல அலுவலா் காயத்ரி, பூச்சியியல் வல்லுநா் செந்தில்குமாா், மாநகராட்சி சுகாதார ஆய்வாளா் மணிவண்ணன், பொது சுகாதாரத் துறை சுகாதார ஆய்வாளா் ஜேம்ஸ் ஆகியோா் விரிவான பயிற்சியை அளித்தனா்.