பள்ளித் தாளாளா் வீட்டில் 50 பவுன் நகைகள் திருட்டு

மீமிசல் அருகே தனியாா்ப் பள்ளித் தாளாளா் வீட்டில் 50 பவுன் தங்க நகைகள் திருடுபோனது செவ்வாய்க்கிழமை தெரியவந்தது.

புதுக்கோட்டை மாவட்டம், ஆவுடையாா் கோவில் வட்டம் மீமிசல் அருகிலுள்ள குமரப்பன் வயல் கிராமத்தைச் சோ்ந்தவா் தனியாா் பள்ளித் தாளாளா் ஆா். நிரஞ்சன்.

காலாண்டு விடுமுறையையொட்டி அனைவரும் வீட்டைப் பூட்டிவிட்டு வெளியூா் சென்றுவிட்டனா். வீடு திரும்பியபோது, வீட்டிலுள்ள முன்பக்க கதவு, ஜன்னல்களை உடைக்கப்பட்டிருந்ததும், உள்ளே பீரோவில் இருந்த 50 பவுன் தங்க நகைகளும், ரூ. 25 ஆயிரம் ரொக்கமும் திருடப்பட்டிருந்தது தெரியவந்தது.

இதுகுறித்து நிரஞ்சன் அளித்த புகாரின்பேரில் மீமிசல் காவல் நிலைய போலீஸாா், செவ்வாய்க்கிழமை வழக்குப் பதிவு செய்து விசாரணை நடத்தி வருகின்றனா்.

வீட்டிலிருந்த சிசிடிவி கேமிராவின் பதிவுக் கருவியும் திருடப்பட்டுள்ளது. கைரேகை நிபுணா்கள் சம்பவ வீட்டுக்கு வந்து கைரேகைகளைப் பதிவு செய்துள்ளனா்.