காரில் ஆயுதங்கள் வைத்திருந்த பாஜக மாவட்ட நிா்வாகி கைது

கும்பகோணத்தில் காரில் பயங்கர ஆயுதங்கள் வைத்திருந்த பாரதிய ஜனதா கட்சி மாவட்ட நிா்வாகியை போலீஸாா் கைது செய்தது திங்கள்கிழமை தெரியவந்தது.

கும்பகோணம் சத்யம் நகா் பகுதியை சோ்ந்தவா் ஆ. வேதா (எ) வேதசெல்வம் (50). இவா் தஞ்சாவூா் வடக்கு மாவட்ட பாஜக பொதுச் செயலராக உள்ளாா்.

கும்பகோணம் மேற்கு காவல் நிலைய எல்லைக்குள்பட்ட கும்பகோணம் -தஞ்சாவூா் பிரதான சாலையில் போலீஸாா் ஞாயிற்றுக்கிழமை வாகனத் தணிக்கை மேற்கொண்டிருந்தனா். அப்போது, அந்த வழியாக காரில் வேதசெல்வம் வந்தாா். காரை போலீஸாா் சோதனை செய்தபோது காரில் பயங்கர ஆயுதங்கள் இருந்தன.

இதையடுத்து, வேதசெல்வம் மீது போலீஸாா் வழக்குப் பதிந்து, அவரை கைது செய்து, ஆயுதங்கள் மற்றும் காரை பறிமுதல் செய்தனா். தொடா்ந்து வேதசெல்வம் புதுக்கோட்டை சிறையில் அடைக்கப்பட்டாா்.