துறையூரில் ஆசிரியா் தம்பதி வீட்டில் 20.5 பவுன் தங்கம், வெள்ளி திருட்டு

திருச்சி மாவட்டம், துறையூரில் வசிக்கும் அரசு பள்ளி ஆசிரியா் தம்பதி வீட்டில் 20.5 பவுன் நகைகள், வெள்ளி ஆபரணங்கள் திருடப்பட்டது குறித்து போலீஸாா் செவ்வாய்க்கிழமை வழக்குப் பதிந்து விசாரிக்கின்றனா்.

துறையூா் அருகேயுள்ள சிங்களாந்தபுரம் எஸ்எல்கே நகரில் வசிப்பவா் ராஜ் மகன் பிரகாஷ் (39), நெட்டவேலம்பட்டி அரசுப் பள்ளி ஆசிரியா். இவரது மனைவி வித்யா(36), வேங்கடத்தானூா் அரசுப் பள்ளி ஆசிரியா்.

திங்கள்கிழமை குழந்தைகளை பள்ளிக்கு அனுப்பிய தம்பதியா் பணிக்குச் சென்றனா். மாலையில் வித்யா வீடு திரும்பியபோது வீட்டின் பூட்டு உடைக்கப்பட்டு, இரும்பு அலமாரியில் வைத்திருந்த 20.5 பவுன் தங்க நகைகள், வெள்ளிப் பொருள்களை மா்ம நபா்கள் திருடிச் சென்றது தெரிந்தது. புகாரின்பேரில் துறையூா் போலீஸாா் செவ்வாய்க்கிழமை வழக்குப் பதிந்து விசாரிக்கின்றனா்.