கஞ்சா வழக்கு குற்றவாளி மீது குண்டா் தடுப்புச் சட்டத்தில் நடவடிக்கை

திருச்சியில் கஞ்சா வழக்கு குற்றவாளி மீது குண்டா் தடுப்புச் சட்டத்தின்கீழ் திங்கள்கிழமை நடவடிக்கை எடுக்கப்பட்டுள்ளது.

திருச்சி மாவட்டம், வளநாடு காவல் நிலைய எல்லைக்குள்பட்ட கோவில்பட்டியில் ஆகஸ்ட் 24-ஆம் தேதி கஞ்சா விற்பனை செய்துகொண்டிருந்த சரித்திர பதிவேடு குற்றவாளியான ராம்ஜி நகா் மலைப்பட்டியைச் சோ்ந்த எம். தாமோதரன் (43) என்பவரை வளநாடு போலீஸாா் கைது செய்தனா். அப்போது, அவரிடமிருந்து 4 கிலோ கஞ்சா பறிமுதல் செய்யப்பட்டது. இவா் மீது குண்டா் தடுப்புச் சட்டத்தின்கீழ் நடவடிக்கை மாவட்ட ஆட்சியருக்கு மாவட்ட காவல் கண்காணிப்பாளா் டோங்கரே பிரவீன் உமேஷ் பிரிந்துரை செய்திருந்தாா்.

இந்நிலையில், கஞ்சா வழக்கு குற்றவாளியான தாமோதரன் மீது குண்டா் தடுப்புச் சட்டத்தின்கீழ் நடவடிக்கை எடுக்க மாவட்ட ஆட்சியா் பிரத்திக் தாயள் திங்கள்கிழமை உத்தரவிட்டாா். இதையடுத்து, ஆட்சியரின் உத்தரவு நகல் திருச்சி மத்திய சிறையில் அடைக்கப்பட்டுள்ள குற்றவாளியிடம் ஒப்படைக்கப்பட்டது.