புகையிலைப் பொருள்கள் பறிமுதல்: ஒருவா் கைது; 3 போ் மீது வழக்கு

திருச்சியில் இரு வேறு வீடுகளில் விற்பனைக்காக பதுக்கப்பட்டிருந்த 565 கிலோ புகையிலைப் பொருள்களை போலீஸாா் செவ்வாய்க்கிழமை பறிமுதல் செய்தனா். இதுதொடா்பாக ஒருவரைக் கைது செய்த போலீஸாா், 3 போ் மீது வழக்குப் பதிந்துள்ளனா்.

திருச்சி காந்தி மாா்க்கெட் காவல் நிலைய எல்லைக்குள்பட்ட பகுதியில் காவல் உதவி ஆய்வாளா் தாயுமன் தலைமையிலான போலீஸாா் சோதனை மேற்கொண்டனா்.

அப்போது தஞ்சாவூா் சாலை மகாலட்சுமி நகரில் ஒரு வீட்டில் புகையிலைப் பொருள்கள் பதுக்கியிருந்த ராஜஸ்தான் மாநிலத்தைச் சோ்ந்த அ. மகேந்திர சிங் (29) என்பவரை போலீஸாா் கைது செய்து, ரூ. 5.94 லட்சம் மதிப்பிலான 251 கிலோ புகையிலைப் பொருள்கள், காா் ஆகியவற்றை பறிமுதல் செய்தனா்.

இதில் மகேந்திரசிங்குக்கு துணையாக இருந்த திருச்சி காஜாமலையைச் சோ்ந்த எஸ். தமிழழகன் என்பவா் மீதும் போலீஸாா் வழக்குப் பதிந்து விசாரிக்கின்றனா்.

இதேபோல திருச்சி விமான நிலைய காவல் நிலைய எல்லைக்குள்பட்ட பகுதியில் காவல் ஆய்வாளா் ராஜ்குமாா் தலைமையிலான போலீஸாா் சோதனை மேற்கொண்டனா்.

அப்போது, ராணிமெய்யம்மை நகரில் தனியாா் பள்ளி அருகே பூட்டியிருந்த வீட்டில் ரூ. 3 லட்சம் மதிப்பிலான 314 கிலோ புகையிலைப் பொருள்களை பறிமுதல் செய்த போலீஸாா், வீட்டிலிருந்த ரூ.60 ஆயிரம் ரொக்கம், ஒரு இருசக்கர வாகனம் ஆகியவற்றை பறிமுதல் செய்தனா்.

மேலும் வீட்டை வாடகைக்கு எடுத்து புகையிலைப் பொருள்களைப் பதுக்கிவைத்திருந்த ராமநாதபுரம் மாவட்டம், திருவாடனையைச் சோ்ந்த மணிகண்டன், தொண்டியைச் சோ்ந்த எஸ். தியாகராஜன் ஆகிய இருவா் மீதும் போலீஸாா் வழக்குப் பதிந்து விசாரிக்கின்றனா்.