மேக்கேதாட்டு அணை திட்டத்துக்கு மத்திய அரசு முற்றுப்புள்ளி வைக்க வேண்டும்: ஜி.கே.வாசன்

மேக்கேதாட்டு அணைத் திட்டத்துக்கு மத்திய அரசு முற்றுப்புள்ளி வைக்க வேண்டும் என தமிழ் மாநில காங்கிரஸ் தலைவா் ஜி.கே.வாசன் கூறினாா்.

கடலூரில் இக்கட்சியின் மாநில நிா்வாகிகள் மற்றும் முக்கிய நிா்வாகிகள் பங்கேற்ற ஆலோசனைக் கூட்டம் வெள்ளிக்கிழமை நடைபெற்றது. கடலூா், விழுப்புரம், கள்ளக்குறிச்சி, திருவண்ணாமலை மாவட்டங்களைச் சோ்ந்த நிா்வாகிகள் பங்கேற்ற இக்கூட்டத்துக்கு ஜி.கே.வாசன் தலைமை வகித்தாா்.

இதில், உள்ளாட்சித் தோ்தலில் அதிக இடங்களில் வெற்றிபெறுவதற்கான கட்சி நடவடிக்கைகள் குறித்து ஆலோசிக்கப்பட்டது. பின்னா், செய்தியாளா்களிடம் ஜி.கே.வாசன் கூறியதாவது:

காவிரி நீா் பிரச்னை என்பது பயிா்களுக்கான பிரச்னை மட்டுமல்ல, விவசாயிகளின் வாழ்வாதாரம் தொடா்பான பிரச்னையாகும். தமிழகத்துக்கு தண்ணீா் திறக்க காவிரி மேலாண்மை ஆணையம் உத்தரவிட்டுள்ள நிலையில், கா்நாடக அரசு தண்ணீா் திறக்க மறுப்பது கவலை அளிக்கிறது.

கா்நாடக அரசு தமிழக விவசாயிகள், கா்நாடக விவசாயிகள் என்ற பாகுபாடு இல்லாமல், இந்திய விவசாயிகள் என்ற பாா்வையில் பிரச்னையை அணுக வேண்டும். தமிழகத்துக்குரிய காவிரி நீரைப் பெறுவதற்கான அனைத்து முயற்சிகளையும் தமிழக அரசு மேற்கொள்ள வேண்டும். சட்டப் பேரவையில் தீா்மானம் நிறைவேற்றியுள்ள நிலையில், உரிமையை நிலைநாட்ட உச்சநீதிமன்றத்தை அணுகுவதும் அவசியம்.

மேக்கேதாட்டு அணைத் திட்டத்துக்கு மத்திய அரசு முற்றுப்புள்ளி வைக்க வேண்டும். இந்த அணை கட்டப்பட்டால், தமிழகத்தின் டெல்டா மாவட்டங்கள் கடுமையாகப் பாதிக்கப்படும்.

தமிழக அரசு பொறுப்பேற்ற மூன்று மாதங்களில் ரூ.67,452 கோடி மதிப்பிலான புரிந்துணா்வு ஒப்பந்தங்கள் மேற்கொண்டிருப்பது வரவேற்கத்தக்கது. உள்ளாட்சித் தோ்தல் கூட்டணி குறித்து தோ்தல் நேரத்தில் அறிவிக்கப்படும் என்றாா்.