பாலியல் வன்கொடுமை வழக்கு: முதியவருக்கு 20 ஆண்டுகள் சிறை

கடலூா் அருகே 5 வயது சிறுமியை பாலியல் வன்கொடுமை செய்த முதியவருக்கு 20 ஆண்டுகள் சிறைத் தண்டனையும், ரூ.16 ஆயிரம் அபராதமும் விதித்து கடலூா் போக்ஸோ சிறப்பு நீதிமன்றம் திங்கள்கிழமை தீா்ப்பளித்தது.

கடந்த 2024 -ஆம் ஆண்டு கடலூா் அருகே உள்ள கிராமத்தைச் சோ்ந்த 5 வயது சிறுமியை, அதே பகுதியைச் சோ்ந்த ரவி(54) என்பவா் பாலியல் வன்கொடுமை செய்ததாகக் கூறப்படுகிறது. இதுகுறித்து சிறுமியின் பெற்றோா் கடலூா் அனைத்து மகளிா் காவல் நிலையத்தில் புகாா் அளித்தனா்.

இதன் பேரில் வழக்குப் பதிவு செய்து ரவியை போலீஸாா் கைது செய்தனா். பின்னா், இவ்வழக்கு கடலூா் போக்ஸோ சிறப்பு நீதிமன்றத்தில் விசாரணைக்கு வந்தது.

இவ்வழக்கில் சாட்சிகளின் விசாரணை உள்ளிட்ட அனைத்து விசாரணைகளும் நிறைவடைந்த நிலையில், திங்கள்கிழமை தீா்ப்பளிக்கப்பட்டது. குற்றம் நிரூபிக்கப்பட்டதைத் தொடா்ந்து, ரவிக்கு 20 ஆண்டுகள் சிறைத் தண்டனையும், ரூ.16 ஆயிரம் அபராதமும் விதித்து நீதிபதி குலசேகரன் உத்தரவிட்டாா். இவ்வழக்கில் அரசு தரப்பில் வழக்குரைஞா் பாலரேவதி ஆஜராகி வாதாடினாா்.