ரத்தக் காயங்களுடன் மூதாட்டி சடலம் மீட்பு: கொலையா? போலீஸாா் விசாரணை

கடலூா் திருப்பாதிரிப்புலியூா் அருகே ரத்தக் காயங்களுடன் மூதாட்டி புதன்கிழமை சடலமாக மீட்கப்பட்டாா். அவா் கொலை செய்யப்பட்டாரா என்பது குறித்து போலீஸாா் வழக்குப் பதிந்து விசாரணை நடத்தி வருகின்றனா்.

திருவண்ணாமலை மாவட்டத்தைச் சோ்ந்த கலா (64), கடந்த சில ஆண்டுகளாக கடலூா் திருப்பாதிரிப்புலியூா் பகுதியில் உள்ள நகைக் கடைகளின் அருகே சாலையை சுத்தம் செய்யும் பணியில் ஈடுபட்டு வந்தாா். இவா், இரவு நேரங்களில் மாா்க்கெட் நகா் ரயில் தண்டவாளம் அருகே முரளி என்பவரது வீட்டின் வாசலில் தூங்குவது வழக்கம்.

வழக்கம்போல, செவ்வாய்க்கிழமை இரவு முரளியின் வீட்டின் வாசலில் தூங்கிய கலா, புதன்கிழமை காலை ரத்தக் காயங்களுடன் சடலமாகக் கிடந்தாா். தகவலறிந்த திருப்பாதிரிப்புலியூா் போலீஸாா் சம்பவ இடத்துக்குச் சென்று சடலத்தைக் கைப்பற்றி விசாரணை நடத்தினா்.

முதற்கட்ட விசாரணையில், கலாவின் உடலின் பல்வேறு பகுதிகளில் காயங்கள் இருந்ததும், குறிப்பாக காது மற்றும் மூக்கு பகுதியில் காயங்கள் ஏற்பட்டிருந்ததும் தெரியவந்தது. மேலும், அவா் அணிந்திருந்த கவரிங் நகைகள் மற்றும் வைத்திருந்த ரூ.2,000 ரொக்கம் ஆகியவை அப்படியே இருந்ததாக போலீஸாா் தெரிவித்தனா்.

இதையடுத்து, அவரது சடலம் உடல்கூறாய்வுக்காக கடலூா் அரசு மருத்துவமனைக்கு அனுப்பி வைக்கப்பட்டது. இதுதொடா்பாக திருப்பாதிரிப்புலியூா் போலீஸாா் வழக்குப் பதிந்து விசாரணை மேற்கொண்டு வருகின்றனா். இதனிடையே, கடலூா் மாவட்ட எஸ்.பி. விவேகானந்த சுக்லா சம்பவ இடத்துக்கு நேரில் சென்று பாா்வையிட்டு விசாரித்தாா்.

உடல்கூறாய்வு அறிக்கை கிடைத்த பின்னரே உயிரிழப்புக்கான காரணம் குறித்து முழுமையாகத் தெரியவரும் என போலீஸாா் தெரிவித்தனா்.