நில ஆக்கிரமிப்பு: தவெக நிா்வாகி மீது வழக்கு

நில ஆக்கிரமிப்பு தொடா்பாக தவெக நிா்வாகி மீது போலீஸாா் வழக்குப் பதிவு செய்தனா்.

அரியாங்குப்பம் மாதா கோயில் தெருவைச் சோ்ந்த பா. வெங்கடகிருஷ்ணன் (36). இவருக்கு சொந்தமான காலி மனை அரியாங்குப்பம் முத்துலட்சுமி சிங்காரம் நகரில் உள்ளது. இந்த மனையை அதே பகுதியை சோ்ந்த தவெக நிா்வாகியான குமாரவேல் ஆக்கிரமிப்பு செய்துள்ளதாகக் கூறப்படுகிறது.

இதை எதிா்த்து வெங்கடகிருஷ்ணன் 2024-ஆம் ஆண்டு புதுச்சேரி நீதிமன்றத்தில் வழக்கு தொடா்ந்தாா். இந்த வழக்கின் தீா்ப்பு கடந்த பிப்ரவரி மாதம் வெங்கடகிருஷ்ணனுக்குச் சாதகமாக வந்தது. இதனால் ஆத்திரம் அடைந்த குமாரவேல் கடந்த 7 -ஆம் தேதி தனது அடியாட்களை வைத்து பொக்கலைன் இயந்திரம் மற்றும் டிராக்டா் மூலம் வெங்கடகிருஷ்ணனுக்குச் சொந்தமான இடத்தில் அத்துமீறி நுழைந்து வேலிகளை அப்புறப்படுத்தி அங்கிருந்து மரங்களை வெட்டி சேதப்படுத்தியுள்ளாா்.

இதைத் தட்டி கேட்ட வெங்கடகிருஷ்ணனை தகாத வாா்த்தைகளால் திட்டி கொலை மிரட்டல் விடுத்துள்ளாா். இது குறித்து வெங்கடகிருஷ்ணன் அரியாங்குப்பம் போலீஸ் நிலையத்தில் புகாா் அளித்தாா். அதன்பேரில் போலீஸாா் குமாரவேல் மீதுழ் வழக்கு பதிவு செய்து விசாரணை நடத்தி வருகின்றனா்.

தவெக நிா்வாகி குமாரவேல், கடந்த சட்டசபை பொதுத்தோ்தலில் அரியாங்குப்பம் தொகுதி வேட்பாளராக போட்டியிட்டு தோல்வியைச் சந்தித்தவா் என்பது குறிப்பிடத்தக்கது.