ஆக்கிரமிப்புகளை அகற்றக் கோரிக்கை

கள்ளக்குறிச்சி நகராட்சியில் பல்வேறு பகுதிகளில் உள்ள ஆக்கிரமிப்புகளை அகற்ற வேண்டும் என புதன்கிழமை நடைபெற்ற நுகர்வோர் பாதுகாப்பு காலமுறை கூட்டத்தில் வியாபாரிகளும், பொதுமக்களும் கோரிக்கை விடுத்தனர்.
கூட்டத்துக்கு நகராட்சி ஆணையர் (பொ) ம.அருண் தலைமை வகித்தார். பணி மேற்பார்வையாளர் கோமதிநாயகம், துப்புரவு ஆய்வாளர் ப.செல்வக்குமார், உதவியாளர் செந்தில் உள்ளிட்டோர் முன்னிலை வகித்தனர். 
கூட்டத்தில் கலந்து கொண்ட வியாபாரிகள், பொதுமக்கள் பேசியதாவது: கள்ளக்குறிச்சி - ஏமப்பேர் சாலை, நேரு காய்கனி அங்காடி பகுதிகளில் உள்ள ஆக்கிரமிப்புகளை அகற்ற வேண்டும். தெரு மின் விளக்குகளை சீரமைக்க வேண்டும். கழிவு நீர் கால்வாயில் குப்பையை அகற்ற வேண்டும் என்பன உள்ளிட்ட கோரிக்கைகளை வலியுறுத்திப் பேசினர்.