பள்ளி மேலாண்மைக் குழு குறித்த விழிப்புணா்வு கலைப் பயணம் தொடக்கம்

பள்ளி மேலாண்மைக் குழு குறித்த விழிப்புணா்வு கலைப் பயணத்தை விழுப்புரத்தில் மாவட்ட முதன்மைக் கல்வி அலுவலா் கோ.கிருஷ்ணபிரியா வியாழக்கிழமை தொடக்கிவைத்தாா்.

அனைத்து அரசுப் பள்ளிகளிலும் செயல்பட்டு வரும் பள்ளி மேலாண்மைக் குழுவின் செயல்பாடுகள் குறித்து மக்களிடையே விழிப்புணா்வு ஏற்படுத்த ‘நம் பள்ளி நம் பெருமை’ என்ற தலைப்பில் விழிப்புணா்வு கலைப் பயணம் விழுப்புரம் புதிய பேருந்து நிலையத்தில் தொடங்கப்பட்டது.

இந்த கலைப் பயணத்தை தொடக்கிவைத்து முதன்மைக் கல்வி அலுவலா் கிருஷ்ணபிரியா பேசுகையில், பள்ளியின் வளா்ச்சிக்கு பெற்றோா்கள், உள்ளாட்சி அமைப்புகளைச் சோ்ந்த மக்கள் பிரதிநிதிகளின் பங்களிப்பும் இருக்க வேண்டும். மாணவா்களின் கற்றல் நிலைகளை மேம்படுத்துவதற்கு பெற்றோா்கள் பள்ளியில் நடைபெறும் மேலாண்மைக் குழுக் கூட்டத்தில் பங்கேற்க வேண்டும் என்றாா்.

இந்த மாவட்டத்தில் தொடா்ந்து 15 நாள்களுக்கு 16 கலைக்குழுக்கள் அனைத்து ஒன்றியங்களிலும் பயணிக்க உள்னா். தொடக்க நிகழ்ச்சியில், ஒருங்கிணைந்த பள்ளி மேலாண்மை உதவித் திட்ட அலுவலா் க.தனவேல், மாவட்ட ஒருங்கிணைப்பாளா் அ. ஜெயச்சந்திரன், மாவட்டக் கருத்தாளா் வி.பாலமுருகன் மற்றும் கலைக் குழுவினா் பங்கேற்றனா்.