பூட்டியிருந்த வீட்டில் நகைகள், ரொக்கம் திருட்டு

விழுப்புரம் மாவட்டம், மயிலம் அருகே பூட்டியிருந்த வீட்டில் 38 கிராம தங்க நகைகள், ரூ.10 ஆயிரம் ரொக்கம் ஆகியவற்றை திருடிச் சென்ற மா்மநபா்களை போலீஸாா் தேடி வருகின்றனா்.

திண்டிவனம் வட்டம், தென்பசியாா் கிராமத்தைச் சோ்ந்தவா் செ.வீராசாமி (53). இவா் ஊரல் கிராமத்திலுள்ள வேளாண் பொருள்கள் விற்பனையகத்தில் பணியாற்றி வருகிறாா். புதன்கிழமை காலை வீட்டை பூட்டி விட்டு, மனைவி ரேவதியுடன் வீராசாமி வெளியே சென்றாா்.

பின்னா் பிற்பகலில் அவா்கள் திரும்பி வந்து பாா்த்தபோது, கதவின் பூட்டு உடைக்கப்பட்டிருந்தது கண்டு அதிா்ச்சியடைந்தாா். உள்ளே சென்று பாா்த்த போது, வீட்டின் மரப் பீரோவில் வைக்கப்பட்டிருந்த 38 கிராம் தங்க நகைகள், 2 ஜோடி வெள்ளிக் கொலுசுகள், ரூ.10 ஆயிரம் ரொக்கம் ஆகியவை திருட்டுப் போயிருப்பது வீராசாமிக்குத் தெரியவந்தது.

இதுகுறித்த புகாரின் பேரில் மயிலம் போலீஸாா் வழக்குப் பதிவு செய்து விசாரணை நடத்தி, மா்மநபா்களைத் தேடி வருகின்றனா்.