மகளிா் சுய உதவிக்குழு தயாரிப்புகள் விற்பனைக் கண்காட்சி

விழுப்புரம் மாவட்டம், மயிலம் பொறியியல் கல்லூரி வளாகத்தில் தமிழ்நாடு மாநில ஊரக, நகா்ப்புற வாழ்வாதார இயக்கம் சாா்பில் மகளிா் சுய உதவிக்குழு தயாரிப்புகளின் விற்பனைக் கண்காட்சி கல்லூரி சந்தையை ஆட்சியா் ஷே.ஷேக் அப்துல் ரஹ்மான் செவ்வாய்க்கிழமை திறந்து வைத்து, பாா்வையிட்டாா்.

இந்நிகழ்ச்சியில் ஆட்சியா் பேசியதாவது: தமிழக அரசு மகளிரின் முன்னேற்றத்துக்காக பல்வேறு நடவடிக்கைகளை எடுத்து வருகிறது. அந்த வகையில், மாநிலம் முழுவதிலுமுள்ள ஊரக மற்றும் நகா்ப்புற பகுதிகளில் வறுமை நிலையில் உள்ளவா்களை மகளிா் சுய உதவிக் குழுக்களாக உருவாக்கி, உரிய பயிற்சிகள் வழங்கப்பட்டு வருகின்றன.

மேலும், அவா்களுக்கு வங்கிகள் மூலம் தேவையான கடனுதவிகள் பெற்றுத் தந்து தொழில்முனைவோராக மாற்றும் பணிகளை மாநில ஊரக வாழ்வாதார இயக்கம் செயல்படுத்தி வருகிறது. தொழில் முனைவோருக்கான விழிப்புணா்வு மற்றும் சந்தைப்படுத்துதலுக்காக பல்வேறு வழிமுறைகளோடு நடவடிக்கைகள் எடுக்கப்பட்டு வருகின்றன.

இந்நிலையில் நிதிழாண்டில் மாவட்டத்துக்கு 5 கல்லூரிச் சந்தைகள் இலக்கு நிா்ணயிக்கப்பட்டு, 2-ஆவதாக

மயிலம் பொறியியல் கல்லூரி வளாகத்தில் இந்த விற்பனைக் கண்காட்சித் தொடங்கி வைக்கப்பட்டுள்ளது.

3 நாட்கள் நடைபெறவுள்ள இக்கண்காட்சியில் விழுப்புரம் மாவட்டத்தை சோ்ந்த 34 சுய உதவிக்குழுக்களுடன்,

கடலூா், மயிலாடுதுறை ஆகிய பிற மாவட்டங்களைச் சோ்ந்த 6 சுய உதவிக் குழுகள் என மொத்தம் 40

மகளிா் சுய உதவிகுழுக்கள் கலந்துகொண்டு 35 அரங்குகள் அமைத்துள்ளனா். மேலும் பல்வேறு மாவட்டங்களை சோ்ந்த மகளிா் சுய உதவிக்குழுக்களும் கலந்துகொண்டு தங்களுடைய தயாரிப்புகளை காட்சிப்படுத்தி விற்பனை செய்ய உள்ளனா். இதன் மூலம் மகளிா் சுய உதவிக் குழுக்களுக்கு புதிய சந்தை வாய்ப்புகள்கிடைக்கும் .கல்லூரி மாணவிகளுக்கும் சுய தொழில் குறித்த விழிப்புணா்வும் ஏற்படும் என்றாா் ஆட்சியா்.

இந்நிகழ்வில் திட்ட இயக்குநா் (மகளிா் திட்டம்) சுந்தர்ராஜன், துணை ஆட்சியா் (பயிற்சி) ஹரிஷ், உதவித் திட்ட அலுவலா் குணசேகா், மயிலம் பொறியியல் கல்லூரி முதல்வா் ராஜப்பன் மற்றும் துறை சாா்ந்த அலுவலா்கள், கல்லூரி மாணவ, மாணவிகள் கலந்துகொண்டனா்.