எனக்கு கேது தசை ஆரம்பமாகியுள்ளது. கேது தசையில் கர்மம் செய்ய வேண்டிய சூழ்நிலை உருவாகும் என்று எங்கள் ஊர் ஜோதிடர் கூறினார். என் தாய் தந்தை உடல் நலம் மற்றும் எதிர்காலம் எவ்வாறு இருக்கும்? - வாசகர், சேலம்

உங்களுக்கு கடக லக்னம், கும்ப ராசி. உங்களுக்கு பூர்வபுண்ணிய கர்ம ஸ்தானாதிபதியான செவ்வாய்பகவான் குடும்ப ஸ்தானத்தில் அமர்ந்து பூர்வபுண்ணிய ஸ்தானத்தையும் அங்கு அமர்ந்திருக்கும் கேதுபகவானையும் பார்வை செய்வது சிறப்பு. கேதுபகவானும் புதபகவானின் சாரத்தில் அமர்ந்து நவாம்சத்தில் கும்ப ராசியை அடைகிறார். செவ்வாய்பகவானையும் குருபகவான் கர்ம ஸ்தானத்திலிருந்து பார்வை செய்கிறார்.  இந்த ஆண்டு தொடக்கத்திலிருந்து கேதுமஹா தசை நடக்கத் தொடங்கியுள்ளது. இன்னும் மூன்றாண்டுகளுக்குப்பிறகு பெற்றோருக்குச் சிறிது உடல்நலம் பாதிக்கப்படலாம் என்று கூறவேண்டும். மற்றபடி அவர்களுக்கு தீர்க்காயுள் உண்டு. பிரதி ஞாயிற்றுக்கிழமைகளில் சிவபெருமானை வழிபட்டு வரவும். மேலும் இந்த கேது மஹா தசையில் அவரது செய்தொழிலில் வளர்ச்சி உண்டாகும். எதிர்காலம் சிறப்பாக அமையும்.