இணையத்தில் வெளியானது ‘கர்ணன்’ பட பாடல் ஆல்பம்
தனுஷ் நடித்த கர்ணன் படத்தின் பாடல் ஆல்பம் வியாழக்கிழமை இணையத்தில் வெளியிடப்பட்டது.
தனுஷ் நடித்த கர்ணன் படத்தின் பாடல் ஆல்பம் வியாழக்கிழமை இணையத்தில் வெளியிடப்பட்டது.
பரியேறும் பெருமாள் படத்தை இயக்கிக் கவனம் பெற்ற இயக்குநர் மாரி செல்வராஜின் அடுத்த படத்தில் கதாநாயகனாக நடித்துள்ளார் தனுஷ். கர்ணன் என்று பெயரிடப்பட்டுள்ள இப்படத்தை தாணு தயாரித்துள்ளார். இசை - சந்தோஷ் நாராயணன்.
Advertisement
Advertisement
இந்தப் படமும் தனது முதல் படம் போல முக்கியமான பிரச்னையைப் பேசும் என்கிறார் மாரி செல்வராஜ். மலையாள நடிகை ரஜிஷா விஜயன், 96 புகழ் கெளரி, லக்ஷ்மி குறும்படப் புகழ் லட்சுமி ப்ரியா சந்திரமெளலி ஆகியோரும் இப்படத்தில் நடித்துள்ளார்கள். ஜுன், ஃபைனல்ஸ், ஸ்டாண்ட் அப் படங்களில் நடித்த ரஜிஷா நடித்துள்ள முதல் தமிழ்ப் படம் இது. கடந்த டிசம்பர் மாதம் கர்ணன் படப்பிடிப்பு நிறைவுபெற்றது.
சந்தோஷ் நாராயணனின் பாடல்களுக்கு அதிக வரவேற்பு கிடைத்த நிலையில் கர்ணன் படம் திரையரங்குகளில் ஏப்ரல் 9 அன்று வெளியாகவுள்ளது.
இந்நிலையில் இந்தத் திரைப்படத்தின் பாடல்கள் அடங்கிய ஆல்பம் இணையத்தில் வியாழக்கிழமை மாலை வெளியிடப்பட்டது. ரசிகர்களின் வெகுவான ஆதரவைப் பெற்ற கர்ணன் திரைப்படத்தின் பாடல்களுக்கு மக்களிடையே வரவேற்பு எழுந்துள்ளது திரைப்படக் குழுவினரை மகிழ்ச்சியடையச் செய்துள்ளது.