கமலக்கண்ணன் இயக்கத்தில் சிபி சத்யராஜ் நடித்துள்ள வட்டம் படத்தின் டிரெய்லர் வெளியாகி நல்ல வரவேற்பைப் பெற்றுவருகிறது.
மதுபானக் கடை படத்தின் மூலம் கவனம் ஈர்த்த இயக்குநர் கமலக்கண்ணன் அடுத்ததாக இயக்கியிருக்கும் படம் வட்டம். இந்தப் படத்தை டிரீம் வாரியர்ஸ் பிக்சர்ஸ் சார்பாக எஸ்.ஆர்.பிரபு, எஸ்.ஆர்.பிரகாஷ் பாபு இணைந்து தயாரித்துள்ளனர்.
இந்தப் படத்தில் சிபி சத்யராஜ், ஆண்ட்ரியா, அதுல்யா, வம்சி கிருஷ்ணா உள்ளிட்டோர் முக்கிய வேடங்களில் நடித்துள்ளனர். நிவாஸ் கே பிரசன்னா இசையமைத்துள்ள இந்தப் படத்துக்கு பிவி ஷங்கர் ஒளிப்பதிவு செய்துள்ளார்.
இதையும் படிக்க | கமல் படத்தில் நடிக்கும் உதயநிதி - அதிகாரப்பூர்வ அறிவிப்பு
இந்தப் படம் வருகிற ஜூலை 29 ஆம் தேதி நேரடியாக டிஸ்னி பிளஸ் ஹாட்ஸ்டார் ஓடிடி தளத்தில் வெளியாகிறது. இந்தப் படத்தின் டிரெய்லர் தற்போது வெளியாகியுள்ளது. டிரெய்லரை அடிப்படையாக வைத்து பார்க்கும்போது இந்தப் படம் திரில்லர் பாணியில் அமைந்துள்ளது தெரிகிறது.
முன்னதாக டிரீம் வாரியர்ஸ் பிக்சர்ஸ் தயாரிப்பில் நயன்தாரா நடித்திருந்த O2 திரைப்படம் டிஸ்னி பிளஸ் ஹாட்ஸ்டாரில் வெளியாகியிருந்தது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.