விரைவில் தயாரிப்பாளராகும் கீர்த்தி சுரேஷ்! 

தமிழில் விஜய், சூர்யா, சிவகார்த்திகேயன் போன்ற முன்னணி ஹீரோக்களுக்கு ஜோடியாக கமர்ஷியல் படங்களில் நடித்துவந்த கீர்த்தி சுரேஷுக்கு மறைந்த நடிகை சாவித்ரியின் வாழ்க்கை வரலாறான மகாநடி திருப்புமுனையாக அமைந்தது.

இதனையடுத்து கமர்ஷியல் படங்களுடன் தனி கதாநயாகியாகவும் படங்களில் அசத்தி வருகிறார். அப்படி அவர் தனி கதாநாயகியாக நடித்த மிஸ் இந்தியா, பென்குயின் எதிர்பார்த்த வெற்றியைப் பெறவில்லை எனினும் சாணிக் காயிதம் நல்ல வரவேற்பினைப் பெற்றது. 

தற்போது மாரி செல்வராஜ் இயக்கத்தில் உதயநிதி ஸ்டாலினுக்கு ஜோடியாக மாமன்னன், தெலுங்கில் நானிக்கு ஜோடியாக தசரா போன்ற படங்களில் நடித்துவருகிறார். 

இளம் அழகியும், தேசிய விருது பெற்ற நடிகையுமான கீர்த்தி சுரேஷ் தமிழ், தெலுங்கு, மலையாளம் ஆகிய மொழிகளில் படங்களில் நடித்து வருகிறார். மேலும் அவர் தற்போது இரண்டு தமிழ் திட்டங்களிலும் பிஸியாக இருக்கிறார். கீர்த்தி சுரேஷ் விரைவில் தயாரிப்பாளராக மாற ஆர்வமாக உள்ளார். மேலும் உள்ளடக்கம் சார்ந்த படங்களை வங்கியில் வாங்கும் திட்டத்தில் இருக்கிறார். கீர்த்தி சுரேஷ் தனது பிஸியான கால அட்டவணையிலும் நேரத்தை செலவழித்து ஸ்கிரிப்ட் கேட்டு வருகிறார். எந்த கதையும் இதுவரை சரியாக இல்லை என சொல்லப்படுகிறது. அவரது முதல் தயாரிப்பு அறிவிப்பு அடுத்த ஆண்டு எதிர்பார்க்கப்படுகிறது. 

கீர்த்தி சுரேஷின் தந்தை ஜி சுரேஷ் குமார் பல மலையாளப் படங்களைத் தயாரித்தவர். தற்போது கீர்த்தி சுரேஷ் தனது தந்தையின் அடிச்சுவடுகளை பின் தொடர்ந்து இந்த களத்தில் இறங்கியிருப்பதாக தெரிகிறது.