தனது மகள் ஐஸ்வர்யாவின் பாடலை வெளியிட்டு வாழ்த்திய ரஜினிகாந்த்: ரசிகர்கள் நெகிழ்ச்சி

நீண்ட இடைவேளைக்கு பிறகு பாடல் ஒன்றை இயக்கியிருக்கிறார் ஐஸ்வர்யா ரஜினிகாந்த். இந்தப் பாடல் ஹைதராபாத்தில் உள்ள ராமோஜி ஃபிலிம் சிட்டியில் படமாக்கப்பட்டது. இந்தப் பாடலுக்கு அங்கித் திவாரி இசையமைத்துள்ளார். 

இதையும் படிக்க | தன் பெயரை பச்சை குத்திய ரசிகரை கலாய்த்த சன்னி லியோன் : ''உன் மனைவியை.....''

தமிழில் பயணி எனத் துவங்கும் இந்தப் பாடலை அனிருத் பாட, ஜானி நடன இயக்குநராக பணிபுரிந்துள்ளார். இந்தப் பாடல் தற்போது இந்தப் பாடல் வெளியாகி நல்ல வரவேற்பை பெற்று வருகிறது. தமிழில் இந்தப் பாடலை நடிகர் ரஜினிகாந்த் வெளியிட்டுள்ளார். 

பாடல் குறித்து அவர் எழுதியுள்ள பதிவில்,  ''கடந்த 9 வருடங்களுக்கு பிறகு மீண்டும் இயக்குநராக என் மகள் ஐஸ்வர்யா இயக்கியிருக்கும் பயணி பாடலை வெளியிடுவதில் மகிழ்ச்சி.  அவருக்கு எனது வாழ்த்துகள்'' என்று குறிப்பிட்டுள்ளார். இது ரசிகர்களிடையே நெகிழ்ச்சியை ஏற்படுத்தியுள்ளது. 

மலையாளத்தில் யாத்ராகாரன் என்ற பெயரிலும், தெலுங்கில் சஞ்சாரி என்ற பெயரிலும் இந்தப் பாடல் வெளியாகியுள்ளது. மலையாளத்தில் மோகன்லாலும், தெலுங்கில் அல்லு அர்ஜுனும் இந்தப் பாடலை வெளியிட்டுள்ளனர். 

இதையும் படிக்க | ''இளையராஜாவின் மற்றொரு பக்கம்...'' - இசையமைப்பாளர் தேவி ஸ்ரீ பிரசாத் நெகிழ்ச்சியுடன் பகிர்ந்த படம்

இதனையடுத்து ராகவா லாரன்ஸ் நடிக்கும் படத்தை ஐஸ்வர்யா ரஜினிகாந்த் இயக்கவிருப்பதாக கூறப்படுகிறது.  ஐஸ்வர்யா ரஜினிகாந்த் தனது ட்விட்டர் பக்கத்தில் லாரன்ஸுடன் இருக்கும் படத்தைபகிர்ந்துள்ளார். இது தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.