மீனா தொடர் ஒளிபரப்பாகும் நேரம் அறிவிப்பு!
கடந்த சில நாள்களுக்கு முன்பு தாலாட்டு தொடர் முடிவடைந்தது. அதனைத் தொடர்ந்து தற்போது மீனா என்ற புதிய தொடர் ஒளிபரப்பாகவுள்ளது.
சன் தொலைக்காட்சியில் ஒளிபரப்பாகவுள்ள மீனா தொடர் ஒளிபரப்பாகும் நேரம் குறித்த அறிவிப்பு வெளியாகியுள்ளது.
சன் தொலைக்காட்சியில் கடந்த சில நாள்களுக்கு முன்பு தாலாட்டு தொடர் முடிவடைந்தது. அதனைத் தொடர்ந்து தற்போது மீனா என்ற புதிய தொடர் ஒளிபரப்பாகவுள்ளது.
இந்தத் தொடரில் இந்து செளத்ரி முதன்மை பாத்திரத்தில் நடிக்கிறார். இவர் ஆனந்த ராகம் தொடரில் நடித்தவர்.
பிரிந்துபோன இரு குடும்பங்களை இணைப்பதற்காக மீனா மேற்கொள்ளும் முயற்சிகளே மீனா தொடரின் திரைக்கதையாக அமையவுள்ளது.
இந்தத் தொடர் விஜய் நடித்த பூவே உனக்காக படத்தின் கதையைப் போன்று இருப்பதாக ரசிகர்கள் பலர் கிண்டலடித்து வருகின்றனர். எனினும் இந்தத் தொடரின் முன்னோட்ட விடியோ பலரைக் கவர்ந்துள்ளதால், இந்தத் தொடரின் ஒளிபரப்பு நேரம் குறித்து பலரிடையே எதிர்பார்ப்பு இருந்தது.
தற்போது அந்த எதிர்பார்ப்புகளை பூர்த்தி செய்யும் வகையில் நண்பகல் 12 மணியளவில் மீனா தொடர் ஒளிபரப்பாகும் என அறிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.