விக்னேஷ் சிவன் - நயன்தாராவின் திருமணம் 2022, ஜூன்  9 ஆம் தேதி மாமல்லபுரத்தில் வெகு விமரிசையாக நடைபெற்றது. திருமணத்தில் நடிகர் ரஜினிகாந்த், ஷாருக்கான் என இந்திய பிரபலங்கள் பலரும் கலந்துகொண்டனர். 

திருமணம் முடிந்து சில நாள்கள் கழித்து  திருமண புகைப்படங்களை இயக்குநர் விக்னேஷ் சிவன் தனது இன்ஸ்டாகிராம் பக்கத்தில் பகிர்ந்திருந்தார்.

ஆனால், இந்தத் திருமணத்தை ஆவணப்படுத்தி அதன் ஒளிபரப்பு உரிமையை நெட்ஃபிளிக்ஸ் நிறுவனம் பெற்றிருந்ததால் அதிகாரப்பூர்வமாக அந்நிகழ்வின் விடியோக்கள் எதுவும் வெளியாகவில்லை.

விக்கி - நயன் திருமணத்தின் ஆவணப்படுத்தப்பட்ட விடியோவை, பியாண்ட் தி ஃபேரி டேல் (beyond the fairy tale) என்கிற பெயரில் உருவாக்கியுள்ளார்கள்.

அந்த விடியோவின் டிரைலர் தற்போது வெளியாகியுள்ளது. வருகிற நவம்பர் 18 ஆம் தேதி முழுமையனா படம் வெளியாகும் என நெட்பிளிக்ஸ் நிறுவனம் அறிவித்துள்ளது.

யு/ஏ சான்றிதழுடன் இதன் டிரைலர் வெளியாகியுள்ளது. 13 வயதுக்கு குறைவானவர்கள் பார்க்கக் கூடாதென நெட்பிளிக்ஸ் நிறுவனம் அறிவிறுத்தியுள்ளது.

1 மணிநேரம் 21 நிமிடங்கள் கொண்ட ஆவண விடியோவாக இருக்குமென தகவல்கள் தெரிவிக்கின்றன.