தர்மன் 5 ரூபாய் மருத்துவரின் கதை இல்லை: அஷ்வத் மாரிமுத்து

இயக்குநர் அஷ்வத் மாரிமுத்து தர்மன் திரைப்படம் குறித்து பேசியுள்ளார்.

நடிகர் ரஜினிகாந்த் நடிகர் கமல் ஹாசன் தயாரிப்பில் தர்மன் என்கிற திரைப்படத்தில் நடிக்கிறார். இதனை டிராகன் படத்தை இயக்கிய அஷ்வத் மாரிமுத்து இயக்க, அனிருத் இசையமைக்கிறார். சண்டை - அன்பறிவு.

மேலும், நடிகர்கள் சிம்ரன், ராஷி கன்னா ஆகியோரும் முக்கிய கதாபாத்திரங்களில் நடிக்கின்றனர். இந்த நிலையில், இதன் அறிமுக நிகழ்வில் கலந்துகொண்ட இயக்குநர் அஷ்வத் மாரிமுத்து, ”தலைவர் படத்தை இயக்க வேண்டும் என்பது பலரின் கனவு. அதுவும் கமல் ஹாசன் சாரின் தயாரிப்பில் எனும்போது இது வரலாற்று நிகழ்வு. இது ஒரு கனவுபோல் இருக்கிறது. இது 5 ரூபாய் மருத்துவரின் கதை என தகவல் பரவி வருகிறது. ஆனால், அதில் உண்மையில்லை. இப்படம் படையப்பா, வேட்டையாடு விளையாடு சேர்ந்த கலவையாக இருக்கும்.

ரஜினி சாரை சந்திக்கும் போது, “நம்ம ராஜ்கமலுக்கு படம் பண்ணுகிறோம். கண்டிப்பாக இப்படம் வெற்றி பெற வேண்டும்” என்றார். இன்றுவரை சினிமா மீதிருக்கும் இந்த ஆவலே இவர்களை இவ்வளவு தூரம் அழைத்து வந்திருக்கிறது” எனத் தெரிவித்துள்ளார்.

Director Ashwath Marimuthu has spoken about the movie Dharman.