ஜம்மு-காஷ்மீர் பயங்கரவாத தாக்குதல்: 9 பாதுகாப்புப்படை வீரர்கள் படுகாயம்

ஜம்மு-காஷ்மீரில் நடைபெற்று வரும் பயங்கரவாதிகளுக்கு எதிரான துப்பாக்கிச்சூடு சம்பவத்தில் 9 பாதுகாப்புப்படை வீரர்கள் படுகாயமடைந்தனர்.

பயங்கரவாதிகள் பதுங்கியிருப்பதாக கிடைத்த ரகசிய தகவலின் அடிப்படையில் ஜம்மு-வில் உள்ள காக்ரியால் பகுதியில் பாதுகாப்புப் படையினர் மற்றும் ஜம்மு-காஷ்மீர் போலீஸார் நடத்திய தேடுதல் வேட்டையின் போது, பயங்கரவாதிகளுக்கும், பாதுகாப்புப் படைக்கும் இடையே துப்பாக்கிச் சூடு சம்பவம் நடந்து வருகிறது.

இதில் பயங்கரவாதிகள் நடத்திய திடீர் தாக்குதல் சம்பவம் காரணமாக 9 பாதுகாப்புப் படை வீரர்கள் மற்றும் அப்பகுதி டிஎஸ்பி உள்ளிட்டோர் படுகாயமடைந்தனர். இருப்பினும் உயிருக்கு ஆபத்தில்லை எனவும், அனைவருக்கும் தீவிர சிகிச்சை அளிக்கப்பட்டு வருவதாகவும் ஜம்மு ஐஜி தெரிவித்தார்.

முன்னதாக, பாராமுல்லா பகுதியிலும் பயங்கரவாதிகளுக்கும், இந்திய ராணுவத்துக்கும் இடையே துப்பாக்கிச்சூடு நடந்து வருவது குறிப்பிடத்தக்கது.