குகேஷை நேரில் அழைத்து பிரதமர் மோடி பாராட்டு
பிரதமர் மோடியை சந்தித்த செஸ் சாம்பியன் குகேஷ்...
உலக செஸ் சாம்பியன் குகேஷை நேரில் அழைத்து பிரதமர் மோடி பாராட்டியுள்ளார்.
இதுகுறித்து பிரதமர் தனது எக்ஸ் தளத்தில், செஸ் சாம்பியன் குகேஷ் உடன் சிறந்த கலந்துரையாடல் நடத்தினேன். சில வருடங்களாக குகேஷுடன் நெருக்கமாக பழகி வருகிறேன். குகேஷின் உறுதியும், அர்ப்பணிப்பும்தான் என்னை மிகவும் கவர்ந்தது. அவரது நம்பிக்கை ஊக்கமளிக்கிறது.
இளம் வயதில் உலக சாம்பியன் ஆவேன் என்ற குகேஷின் விடியோ நினைவிருக்கிறது. சில ஆண்டுகளுக்கு முன் குகேஷ் வெளியிட்ட விடியோ தற்போது அவரது முயற்சியால் உண்மையாகிவிட்டது. சிங்கப்பூரில் நடைபெற்ற உலக செஸ் சாம்பியன்ஷிப் தொடரில் சீனாவின் 32 வயதான டிங் லிரெனை வீழ்த்தி 18 வயதான குகேஷ் வெற்றி பெற்றார்.
Advertisement
Advertisement
மன்மோகன் சிங் நினைவிடம்: மத்திய அரசுக்கு முதல்வர் ஸ்டாலின் கண்டனம்
இதன்மூலம் உலக செஸ் சாம்பியன்ஷிப் பட்டம் வென்ற இளம் வீரர் என்ற சாதனையையும் குகேஷ் படைத்தார். சாம்பியன் பட்டம் வென்ற டி. குகேஷுக்கு தமிழக அரசு சார்பில் சென்னையில் கடந்த டிச. 17ஆம் தேதி பாராட்டு விழா நடத்தப்பட்டது. இதில் குகேஷுக்கு ரூ. 5 கோடி பரிசாக வழங்கப்பட்டது.
இந்த விழாவில் முதல்வர் மு.க. ஸ்டாலின், துணை முதல்வர் உதயநிதி ஸ்டாலின், செஸ் கிராண்ட் மாஸ்டர் விஸ்வநாதன் ஆனந்த் உள்ளிட்டோர் பங்கேற்றனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.