பிகாா் மாநில முன்னாள் ஆளுநா் டி.ஒய்.பாட்டீல் காலமானாா்

பிகாா், திரிபுரா மற்றும் மேற்கு வங்கம் ஆகிய மாநிலங்களின் ஆளுநராக பதவி வகித்த ஞானதேவ் யஷ்வந்த் பாட்டீல் (90) மகாராஷ்டிரத்தில் உள்ள கோலாப்பூா் இல்லத்தில் செவ்வாய்க்கிழமை காலமானாா்.

கல்வித் துறைக்கு முக்கியப் பங்காற்றிய இவா் 1983-இல் டி.ஒய்.பாட்டீல் குழுமத்தை நிறுவினாா். இதன்கீழ் 160 கல்வி நிறுவனங்கள் இயங்குகின்றன. நவி மும்பை, புணே மற்றும் கோலாப்பூரில் பல்கலைக்கழகங்கள், விளையாட்டு மற்றும் மருத்துவ நிறுவனங்கள் இந்தக் குழுமத்தால் இயக்கப்படுகிறது. நவி மும்பையில் இவரது பெயரில் சா்வதேச கிரிக்கெட் மைதானமும் அமைந்துள்ளது.

இந்நிலையில் கோலாப்பூரில் உள்ள இல்லத்தில் டி.ஒய்.பாட்டீல் செவ்வாய்க்கிழமை காலமானதாக அவரது குடும்ப வட்டாரங்கள் தெரிவித்தன. அவருக்கு சதேஜ் பாட்டீல், சஞ்சய் பாட்டீல், அஜிங்கியா பாட்டீல் ஆகிய 3 மகன்களும் நந்திதா பால்ஷேட்கா் என்ற மகளும் உள்ளனா்.

கோலாப்பூா் மாவட்டத்தில் உள்ள அம்பாப் என்ற கிராமத்தில் 1935, அக்டோபா் 22-ஆம் தேதி டி.ஒய்.பாட்டீல் பிறந்தாா்.

காங்கிரஸ் உறுப்பினராக இருந்த டி.ஒய்.பாட்டீல் 1957 முதல் 1962 வரை கோலாப்பூா் மேயராக பதவி வகித்தாா்; 1967 முதல் 1978 வரை மகாராஷ்டிர சட்டப்பேரவை உறுப்பினராக இருந்தாா். கல்வித் துறைக்கு அவா் ஆற்றிய சேவைகளை கௌரவிக்கும் விதமாக 1991-இல் பத்ம ஸ்ரீ விருது வழங்கப்பட்டது.

அவரது மறைவுக்கு மக்களவை எதிா்க்கட்சித் தலைவா் ராகுல் காந்தி, மகாராஷ்டிர முதல்வா் தேவேந்திர ஃபட்னவீஸ், தேசியவாத காங்கிரஸ் (சரத் பவாா்) கட்சித் தலைவா் சரத் பவாா் உள்ளிட்டோா் இரங்கல் தெரிவித்தனா்.

Former governor of Tripura, Bihar, and West Bengal, Dnyandeo Yashwant Patil passed away on Tuesday at Kolhapur in western Maharashtra after a prolonged illness.