அஸ்ஸாம்: திஸ்பூர் தொகுதியில் பிரத்யுத் பர்தோலோய் வெற்றி!

அஸ்ஸாம் சட்டப்பேரவைத் தேர்தலுக்கு முன்னதாக காங்கிரஸ் கட்சியிலிருந்து விலகி பாஜகவில் இணைந்த பிரத்யுத் பர்தோலோய் திஸ்பூர் தொகுதியில் மீரா பர்தாகூர் கோஸ்வாமியை வெற்றி பெற்றுள்ளார்.

பிரத்யுத் பர்தோலோய் 1,03,337 வாக்குகளைப் பெற்றார். அதேநிலையில், காங்கிரஸ் கட்சியைச் சேர்ந்த மிரா பர்தாகூர் கோஸ்வாமி 53,670 வாக்குகளைப் பெற்றார்.

தருண் கோகோய் தலைமையிலான அரசில் மூன்று முறை அமைச்சராகப் பதவி வகித்த பர்தோலோய், 1998-ஆம் ஆண்டு மார்கரிட்டா தொகுதியில் நடைபெற்ற இடைத்தேர்தல் மூலம் சட்டப்பேரவைக்குத் தேர்ந்தெடுக்கப்பட்டார். பின்னர் 2001-ஆம் ஆண்டிலிருந்து மூன்று முறை அத்தொகுதியிலேயே மீண்டும் தேர்ந்தெடுக்கப்பட்டார்.

2015-ஆம் ஆண்டில் நடைபெற்ற அமைச்சரவை மாற்றத்தின்போது அவர் அமைச்சர் பதவியிலிருந்து விலகினார். அதைத் தொடர்ந்து, மூத்த அரசுப் பேச்சாளராகவும், முதலமைச்சரின் ஆலோசகராகவும் நியமிக்கப்பட்டார்.

பர்தோலோய் 2019-ஆம் ஆண்டிலும், மீண்டும் 2024-ஆம் ஆண்டிலும் நாகான் மக்களவைத் தொகுதியிலிருந்து நாடாளுமன்றத்திற்குத் தேர்ந்தெடுக்கப்பட்டார்.

தேர்தலுக்கு முன்னதாக, அவர் காங்கிரஸ் கட்சியிலிருந்து விலகி, மக்களவை உறுப்பினர் பதவியையும் ராஜிநாமா செய்துவிட்டு, புது தில்லியில் பாஜகவில் இணைந்தார்.