நியூசிலாந்து அணி வீரர்கள் படம் | AP
கிரிக்கெட்

பாகிஸ்தான் டி20 தொடருக்கான நியூசி. அணி அறிவிப்பு; முக்கிய வீரர்கள் இல்லை!

பாகிஸ்தானுக்கு எதிரான டி20 தொடருக்கான நியூசிலாந்து அணியை அந்நாட்டு கிரிக்கெட் வாரியம் இன்று (மார்ச் 11) அறிவித்துள்ளது.

DIN

பாகிஸ்தானுக்கு எதிரான டி20 தொடருக்கான நியூசிலாந்து அணியை அந்நாட்டு கிரிக்கெட் வாரியம் இன்று (மார்ச் 11) அறிவித்துள்ளது.

பாகிஸ்தான் அணி நியூசிலாந்தில் சுற்றுப்பயணம் மேற்கொண்டு 5 டி20 மற்றும் 3 ஒருநாள் போட்டிகள் கொண்ட தொடர்களில் விளையாடவுள்ளது. இரு அணிகளுக்கும் இடையிலான டி20 தொடர் முதலில் தொடங்குகிறது. முதல் டி20 போட்டி மார்ச் 16 ஆம் தேதி கிறிஸ்ட்சர்ச்சில் நடைபெறுகிறது.

நியூசிலாந்து அணி அறிவிப்பு

விரைவில் டி20 தொடர் தொடங்கவுள்ள நிலையில், பாகிஸ்தானுக்கு எதிரான டி20 தொடருக்கான நியூசிலாந்து அணியை அந்நாட்டு கிரிக்கெட் வாரியம் இன்று (மார்ச் 11) அறிவித்துள்ளது.

பாகிஸ்தானுக்கு எதிரான இந்த டி20 தொடருக்கான நியூசிலாந்து அணியின் கேப்டனாக சாம்பியன்ஸ் டிராபி தொடரில் சிறப்பாக செயல்பட்ட மைக்கேல் பிரேஸ்வெல் நியமிக்கப்பட்டுள்ளார்.

நியூசிலாந்து அணி வீரர்கள் பலரும் ஐபிஎல் தொடரில் விளையாடுவதால், பாகிஸ்தானுக்கு எதிரான டி20 தொடரில் அவர்கள் விளையாட முடியாத சூழல் உருவாகியுள்ளது. ஐபிஎல் தொடரில் விளையாடவுள்ளதால், டெவான் கான்வே, லாக்கி பெர்குசன், கிளன் பிலிப்ஸ், ரச்சின் ரவீந்திரா மற்றும் மிட்செல் சாண்ட்னர் ஆகியோர் பாகிஸ்தானுக்கு எதிரான டி20 தொடருக்கான நியூசிலாந்து அணியில் இடம்பெறவில்லை.

காயம் காரணமாக சாம்பியன்ஸ் டிராபி இறுதிப்போட்டியிலிருந்து விலகிய மாட் ஹென்றி, பாகிஸ்தானுக்கு எதிரான 4-வது மற்றும் 5-வது டி20 போட்டியில் விளையாடவுள்ளார்.

நியூசிலாந்து டி20 தொடருக்கான பாகிஸ்தான் அணி விவரம்

மைக்கேல் பிரேஸ்வெல் (கேப்டன்), ஃபின் ஆலன், மார்க் சாப்மேன், ஜேக்கோப் டஃபி, ஸாக் ஃபோல்க்ஸ் (4 மற்றும் 5-வது போட்டிக்கு மட்டும்), மிட்ச் ஹே, மாட் ஹென்றி (4 மற்றும் 5-வது போட்டிக்கு மட்டும்), கைல் ஜேமிசன் (முதல் 3 போட்டிகளுக்கு மட்டும்), டேரில் மிட்செல், ஜிம்மி நீஷம், வில்லியம் ஓ’ரூர்க் (முதல் 3 போட்டிகளுக்கு மட்டும்), டிம் ராபின்சன், பென் சியர்ஸ், டிம் செய்ஃபெர்ட், ஈஷ் சோதி.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

ஜம்முவில் ரயில் சேவைகள் மூன்றாவது நாளாக நிறுத்தம்

புன்னகை அரசி... சினேகா!

போராட்டத்தில் பாஜக - காங்கிரஸ் தொண்டர்களுக்கு இடையே மோதல்!

காயத்ரி மந்திரம் பாடி பிரதமர் மோடியை வரவேற்ற ஜப்பானியர்கள்!

கலாம் பயோப்பிக்கில் தனுஷை தேர்ந்தெடுத்தது ஏன்? ஓம் ராவத் விளக்கம்!

SCROLL FOR NEXT