இலக்கை நிச்சயம் அடைந்தே தீருவோம்: விஜயகாந்த்

தேமுதிக 14-வது ஆண்டில் அடியெடுத்து வைக்க உள்ள நிலையில், இலக்கை நிச்சயம் அடைந்தே தீருவோம் என அந்தக் கட்சியின் தலைவர் விஜயகாந்த் சூளுரைத்துள்ளார். இதுதொடர்பாக அவர் வியாழக்கிழமை வெளியிட்ட அறிக்கை:
தேமுதிக தொடங்கப்பட்டு வெள்ளிக்கிழமையன்று 14-ஆவது ஆண்டில் வெற்றிகரமாக அடியெடுத்து வைக்கிறது. தமிழகத்தில் தீர்க்கப்படாத பல பிரச்னைகளுக்கு தீர்வு காணவும், வறுமை கோட்டுக்குக் கீழ் மக்களே இல்லை என்ற நிலையை உருவாக்கவும், தேமுதிக தொடர்ந்து பாடுபடும். வரப்போகும் தேர்தல்களை உறுதியோடு எதிர்கொண்டு, தேமுதிக தமிழகத்தில் அசைக்க முடியாத சக்தி என்பதை உணர்த்தும்.
எதற்கும் அஞ்சாமல் எதிர்காலத்தில் நம் இலக்கை நிச்சயம் அடைந்தே தீருவோம் என்று உறுதியை இந்த நன்நாளில் அனைவரும் ஏற்போம். உண்மையான கொள்கைக்காக, லட்சியத்துக்காக இந்த இயக்கத்தில் உள்ள லட்சக்கணக்கான தொண்டர்களுடன் எனது பயணம் என்றும் தொடரும் எனத் தெரிவித்துள்ளார்.