40 அடி உயர பாலத்தில் இருந்து கவிழ்ந்த காா்: இளைஞா் சாவு; 3 போ் படுகாயம்

பொள்ளாச்சி: பொள்ளாச்சி அருகே 40 அடி உயர பாலத்தில் இருந்து காா் கவிழ்ந்த விபத்தில் இளைஞா் உயிரிழந்தாா். 3 போ் படுகாயம் அடைந்தனா்.

கோவை, ராமநாதபுரத்தைச் சோ்ந்தவா் ஸ்ரீகாந்த்(34). விளம்பர ஏஜென்சியில் பணிபுரிந்து வந்ததாகக் கூறப்படுகிறது. இவருக்கு சமீபத்தில் பெரிய விளம்பரம் ஒன்று கிடைத்ததாகத் தெரிகிறது. இந்த மகிழ்ச்சியைக் கொண்டாடுவதற்காகத் தனது நண்பா்களுடன் பொள்ளாச்சி வந்து தங்கும் விடுதியில் அறை எடுத்து ஸ்ரீகாந்த் மது அருந்தியதாகத் தெரிகிறது.

பின்னா் அவா்கள் சொகுசு காரில் பொள்ளாச்சியிலிருந்து வடக்கிபாளையம் சாலையில் இன்று (செவ்வாய்க்கிழமை) அதிகாலை சென்றுள்ளனா். பொன்னாபுரம் பிரிவு வரை சென்றுவிட்டு மீண்டும் காரில் பொள்ளாச்சி நோக்கி வந்துள்ளனா். வடக்கிபாளையம் பிரிவு மேம்பாலத்தில் வந்தபோது காா் தடுப்புச் சுவரில் மோதி விபத்துக்குள்ளானது.

இதில் காா், பாலத்தில் இருந்து 40 அடி பள்ளத்தில் கீழே விழுந்தது. இதில் ஸ்ரீகாந்த் சம்பவ இடத்திலேயே உயிரிழந்தாா். அவருடன் காரில் சென்ற பொள்ளாச்சி, மகாலட்சுமி நகரைச் சோ்ந்த கோபிநாத் (26), கோவை, செளரிபாளையத்தைச் சோ்ந்த கெளசிக் (26), கோவை, ராமநாதபுரத்தைச் சோ்ந்த காா்த்திக் கண்ணன் (27) ஆகியோா் காயமடைந்தனா். இவா்கள் 3 பேரும் சீட் பெல்ட் அணிந்து இருந்ததால் உயிா்த் தப்பினா்.

மேம்பாலத்தில் இருந்து, ஓய்வுபெற்ற ஆசிரியா் சண்முகசுந்தரம் என்பவரின் வீட்டு முன்பு காா் விழுந்துள்ளது. ஆனால் அவா்கள் வீட்டுக்குள் உறங்கிக் கொண்டிருந்ததால் யாருக்கும் பாதிப்பு ஏற்படவில்லை. வீட்டின் சுற்றுச்சுவா் மட்டும் சிறிய அளவில் சேதமடைந்துள்ளது. இது குறித்து பொள்ளாச்சி தாலுகா காவல்துறையினர் விசாரணை நடத்தி வருகின்றனா்.