தேர்தலில் போட்டியிடாதது தியாகம் அல்ல; வியூகம்: கமல்

மக்களவைத் தேர்தலில் போட்டியிடும் திமுக கூட்டணி கட்சிகளுக்கு ஆதரவு தெரிவித்து மக்கள் நீதி மய்யத்தின் தலைவர் கமல்ஹாசன் தேர்தல் பிரசாரத்தில் ஈடுபட்டு வருகிறார். அப்போது அவர் பேசியதாவது:

மக்களவைத் தேர்தலில் போட்டியிடாததற்கு காரணம் தியாகம் அல்ல, வியூகம்.

எனக்கு நினைவு தெரிந்ததில் இருந்து சாதியம் தான் எனக்கு எதிரி. சாதிவாரிக் கணக்கெடுப்பு அவசியாமன ஒன்று.

ஒரு தொகுதி, இரண்டு தொகுதி என இல்லாமல் அனைத்து தொகுதிகளிலும் என்னால் பரப்புரை செய்ய முடியும். மாநில உரிமைகளை மத்திய அரசு பறிப்பதனால் திமுகவுடன் கூட்டணி .

திமுகவை விமர்சித்து ரிமோட்டை தூக்கிப் போட்டு டிவியை உடைத்து விட்டு இப்போது கூட்டணியா என்று கேட்கிறார்கள். நமது டிவி, நமது ரிமோட் அது இங்கு தான் இருக்கும். எப்போது வேண்டுமானாலும் நாம் உடைத்துக் கொள்ளலாம்.

டிவிக்கான மின்சாரம், ரிமோட்டுக்கான பேட்டரியை எடுக்க நினைப்பவர்கள் தான் நமக்கு முக்கியம் என்று பேசினார்.