கோயில் நிதியில் கல்லூரிகள் கட்ட தடைகோரிய வழக்கு தள்ளுபடி

கோயில் நிதியில் கல்லூரி தொடங்க முந்தைய திமுக ஆட்சி காலத்தில் பிறப்பிக்கப்பட்ட உத்தரவை எதிா்த்து தாக்கல் செய்யப்பட்ட மனுவை சென்னை உயா்நீதிமன்றம் தள்ளுபடி செய்து உத்தரவிட்டது.

மயிலாப்பூா் கபாலீசுவரா் கோயில் நிதியில் சென்னை கொளத்தூரிலும், திருச்செங்கோடு அா்த்தநாரீஸ்வா் கோயில் நிதியில் திருச்செங்கோட்டிலும், பழனி தண்டாயுதபாணி கோயில் நிதியில் ஒட்டன்சத்திரத்திலும், திருச்செந்தூா் சுப்பிரமணிய சுவாமி கோயில் நிதியில் விளாத்திகுளத்திலும் என 4 இடங்களில் கல்லூரிகள் தொடங்க அனுமதியளித்து தமிழக உயா்கல்வித் துறைச் செயலா் கடந்த ஆண்டு அக்.6-ஆம் தேதி அரசாணை பிறப்பித்தாா்.

கோயில் நிதியில் கல்லூரிகள் தொடங்கும் இந்த அரசாணைக்கு தடை விதிக்கக் கோரியும், இந்த உத்தரவை ரத்து செய்யக் கோரியும், சென்னை உயா்நீதிமன்றத்தில் டி.ஆா்.ரமேஷ் என்பவா் வழக்குத் தொடா்ந்தாா்.

இந்த வழக்கு நீதிபதிகள் ஜி.ஜெயச்சந்திரன், இ.மனோகரன் ஆகியோா் அடங்கிய அமா்வில் செவ்வாய்க்கிழமை விசாரணைக்கு வந்தது.

அப்போது, இந்து சமய அறநிலையத் துறை தரப்பில் ஆஜரான வழக்குரைஞா் பரணீதரன், கொளத்தூா் மற்றும் ஒட்டன்சத்திரத்தில் கல்லூரிகள் தொடங்கப்பட்டு மூன்றாண்டு படிப்பை மாணவா்கள் முடித்துவிட்டனா்.

இந்த இரண்டு கல்லூரிகளிலும் இந்து சமய படிப்புகள் நடத்தப்படுகின்றன. திருச்செங்கோடு மற்றும் விளாத்திகுளத்தில் இன்னும் கல்லூரிகள் அமைக்கப்படவில்லை எனத் தெரிவித்தாா்.

அப்போது மனுதாரா் தரப்பில், கோயில் நிதியைப் பயன்படுத்தி கல்லூரிகள் கட்டுவதற்கான நடைமுறைகள் முறையாக பின்பற்றப்படவில்லை என குற்றஞ்சாட்டினாா். இதையடுத்து வழக்கை விசாரித்த நீதிபதிகள், கோயில் நிதியை கல்விக்காக பயன்படுத்தலாம் எனக் கூறி, இந்த வழக்கை தள்ளுபடி செய்து உத்தரவிட்டனா்.

மேலும், விளாத்திகுளம் மற்றும் திருச்செங்கோடு ஆகிய இடங்களில் கல்லூரி கட்டுவதற்கு கூடுதல் நிதி தேவைப்பட்டால் அரசின் உதவியை நாடவும், கல்லூரிகள் கட்டுவது தொடா்பாக அரசே முடிவெடுத்துக் கொள்ளலாம் எனவும் நீதிபதிகள் உத்தரவிட்டனா்.