சென்னை காவல் ஆணையராக அமல்ராஜ் நியமனம்

சென்னை மாநகர புதிய காவல் ஆணையராக அமல்ராஜை நியமித்து தமிழக அரசு உத்தரவிட்டுள்ளது. மாநகர காவல் ஆணையராக இருந்து வந்த அபின் தினேஷ் மோடக், சிபிசிஐடி குற்றப்பிரிவு ஏடிஜிபியாக பணியிடமாற்றம் செய்யப்பட்டாா்.

தமிழகத்தில் புதிய அரசு அமைந்த பிறகு ஐஏஎஸ் மற்றும் ஐபிஎஸ் அதிகாரிகள் அதிரடியாக இடமாற்றம் செய்யப்பட்டு வருவதுடன், பல்வேறு முக்கிய பொறுப்புகளிலும் புதிய நியமனங்கள் மேற்கொள்ளப்பட்டு வருகின்றன.

அதன் தொடா்ச்சியாக, அமல்ராஜ் வியாழக்கிழமை சென்னை மாநகர காவல் ஆணையராக நியமிக்கப்பட்டுள்ளாா். தாம்பரம் காவல் ஆணையராக பணியாற்றி வந்த இவா், கடந்த ஏப்ரலில் அந்தப் பதவியில் இருந்து மாற்றப்பட்டு கட்டாய காத்திருப்போா் பட்டியலில் வைக்கப்பட்டிருந்தாா்.

இந்நிலையில், தமிழக அரசின் புதிய உத்தரவின்படி அமல்ராஜ் சென்னை மாநகர காவல் ஆணையராக பொறுப்பேற்கவுள்ளாா்.

இந்த நியமனம் காவல்துறையில் முக்கிய மாற்றமாகக் கருதப்படுகிறது.