மேட்டூர் அணைக்கு நீர்வரத்து குறைவு: அக். 5 மாலை நிலவரம்!

மேட்டூர் அணைக்கு வரும் நீரின் அளவு திங்கள்கிழமை (அக். 5) குறைந்துள்ளது

மேட்டூர் அணைக்கு வரும் நீரின் அளவு இன்று மாலை வினாடிக்கு 2,121 கன அடியிலிருந்து வினாடிக்கு 1,424 கன அடியாக குறைந்துள்ளது.

அணையில் இருந்து காவிரி டெல்டா பாசனத்திற்கு வினாடிக்கு15,000 கன அடி வீதம் தண்ணீர் திறக்கப்பட்டு வருகிறது.

அணைக்கு வரும் நீரின் அளவை விட அணையில் இருந்து திறக்கப்படும் நீரின் அளவு அதிகமாக இருப்பதால் அணையின் நீர்மட்டம் 72.00 அடியிலிருந்து 71.55 அடியாகக் குறைந்துள்ளது.

அணையின் நீர் இருப்பு 34.04 டிஎம்சியாக உள்ளது.