பட்டியலிட்ட நாளில் பிஹாரி லால் பங்குகள் 63% உயர்வு! சந்தையில் அமோக வரவேற்பு!!

புதுதில்லி: இரும்பு மற்றும் எஃகு உற்பத்தி நிறுவனமான பிஹாரி லால் இன்ஜினியரிங் லிமிடெட்டின் பங்குகள், அதன் வெளியீட்டு விலையான ரூ. 285 ஐ விட 63 சதவீதத்திற்கும் அதிகமான பிரீமியத்துடன் பட்டியலிடப்பட்டது.

மும்பை பங்குச் சந்தையில், வெளியீட்டு விலையிலிருந்து 60.70 சதவீதம் உயர்ந்து, ரூ. 458 க்கு சந்தையில் அறிமுகமானது. அதே வேளையில், நிஃப்டி-யில் 63.15% பிரீமியத்துடன் ரூ. 465-க்கு பட்டியலிடப்பட்டது.

இதனையடுத்து, நிறுவனத்தின் சந்தை மதிப்பு ரூ. 2,135.22 கோடியாக இருந்தது.

கடந்த வாரம் வெள்ளிக்கிழமையன்று, பிஹாரி லால் இன்ஜினியரிங் லிமிடெட்டின் ஐபிஓ-விற்கான கடைசி நாளில், அதன் ஐபிஓ சுமார் 108.44 மடங்கு அதிக சந்தா பெறப்பட்டதாக தெரிவித்தது.

ரூ. 302 கோடி மதிப்பிலான இந்த ஐபிஓ, பங்கு ஒன்றுக்கு ரூ. 271 முதல் ரூ. 285 வரை நிர்ணயிக்கப்பட்டது.