பழிக்கு ஆளாகக் கூடாது

இன்பம் பயந்தாங்கு இழிவு தலைவரினும்

இன்பத்தின் பக்கம் இருந்தைக்க!-இன்பம்

ஒழியாமை கண்டாலும், ஓங்கருவி நாட!

பழியாகா வாறே தலை.

(பாடல் 79 அதிகாரம்: பொறை உடைமை)

உயர்ந்த அருவிகளையுடைய நாட்டிற்கு உரியவனே! இன்பத்தைத் தந்து, அவ்விடத்தே தாழ்மை நேர்ந்தாலும், அதனால் அப்படி இன்பஞ் செய்தலை மீண்டும் விட்டுவிடாது, அதன் பக்கமாகவே இருக்கின்ற உனக்கு, இன்பம் நீங்காமல் இருப்பதைப் பார்த்தாலும், பழிப்பு உண்டாகாத அறவழியே தலைமையானதாகும். இன்பம் வருமிடத்துத் தாழ்வும் வருமானால் துன்பத்தையேனும் பொறுத்துக்கொள்ள வேண்டுமேயன்றித் தாம் இன்பத்தை விரும்பித் தாழ்வுக்கு உட்பட்டுப் பழிக்கு ஆளாகக் கூடாது'.