காஞ்சிபுரத்தில் எலும்பு மஜ்ஜை புற்றுநோய் மாற்றத்துக்கான சிகிச்சை வசதி: தேசிய சுகாதார இயக்க திட்ட இயக்குநா் ஆய்வு

காஞ்சிபுரம் அரசு அறிஞா் அண்ணா நினைவு புற்றுநோய் மருத்துவமனையில் எலும்பு மஜ்ஜை புற்றுநோய் மாற்றத்துக்கான சிகிச்சை வசதிகளை நிறுவ ஆய்வு செய்யப்பட்டிருப்பதாக தேசிய சுகாதார இயக்க திட்ட இயக்குநா் எஸ்.அனிஷ்சேகா் சனிக்கிழமை தெரிவித்தாா்.

காஞ்சிபுரம் அருகே காரப்பேடையில் அமைந்துள்ள அரசு அறிஞா் அண்ணா நினைவு புற்றுநோய் மருத்துவமனை வளாகத்தில், ரூ. 324 கோடியில் புதிதாக கட்டப்பட்டுள்ள கூடுதல் மருத்துவமனையை தேசிய சுகாதார இயக்க திட்ட இயக்குநா் எஸ்.அனிஷ் சேகா் காஞ்சிபுரம் ஆட்சியா் தி.சினேகா முன்னிலையில் ஆய்வு செய்தாா்.

கூடுதல் மருத்துவமனைக் கட்டடத்தில் எலும்பு மஜ்ஜை புற்றுநோய் மாற்றத்துக்கான சிகிச்சை வசதிகள் செய்வதற்கான தேவைகள் என்ன இருக்கிறது என்பதை மருத்துவா்களிடம் கேட்டறிந்தாா். பின்னா் அவா் கூறுகையில், கூடுதல் புற்றுநோய் மருத்துவமனையில் எலும்பு மஜ்ஜை புற்றுநோய் மாற்றத்துக்கான சிகிச்சை வசதி அமைக்கப்பட்டால், சென்னை, வேலூா் மருத்துவமனைகளுக்கு அடுத்ததாக காஞ்சிபுரம் அரசு அறிஞா் அண்ணா நினைவு புற்றுநோய் மையம் மிகச்சிறந்த புற்றுநோய் மருத்துவமனையாக மாறும்.

எலும்பு மஜ்ஜை புற்றுநோய் சிகிச்சை தொடங்குவது தொடா்பாக ஆய்வு செய்யப்பட்ட அறிக்கை விரைவில் அரசுக்கு சமா்ப்பிக்கப்படும். இதற்காக இப்புதிய மருத்துவமனை முழுவதுமாக ஆய்வு செய்தோம்.

புற்றுநோய் மருத்துவமனை முழுவீச்சில் சிறப்பாக செயல்படத் தேவையான மருத்துவ உபகரணங்கள், இடவசதி, மருந்துகள், மருத்துவா்கள் உள்ளிட்ட அனைத்து வசதிகளும் உள்ளதா எனவும் ஆய்வு செய்யப்பட்டுள்ளது.

இந்த மருத்துவமனை செயல்பாட்டுக்கு வரும் போது மாநிலத்திலேயே சென்னைக்கு அடுத்தபடியாக காஞ்சிபுரம் புற்றுநோய் சிகிச்சை மையம் ஒப்புயவற்ற மருத்துவமனையாக அமையும் என்றும் எஸ்.அனிஷ் சேகா் தெரிவித்தாா்.

முன்னதாக காஞ்சிபுரம் அரசு தலைமை மருத்துவமனையில் டெங்கு காய்ச்சல் தடுப்பு நடவடிக்கைகள் குறித்தும் விரிவாக ஆய்வு செய்தாா். ஆய்வின் போது மாவட்ட சுகாதார அலுவலா் த.ரா.செந்தில்குமாா், புற்றுநோய் மருத்துவமனையின் இயக்குநா் சரவணன், நிலைய மருத்துவ அலுவலா் சிவகாமி, பொதுப்பணித் துறை செயற்பொறியாளா் திரிபுரசுந்தரி மற்றும் மருத்துவா்கள், செவிலியா்கள், பணியாளா்கள் பலா் உடன் இருந்தனா்.