மூதாட்டியை தாக்கி 6 பவுன் செயின் பறிப்பு

அரக்கோணத்தில் வீட்டில் தனியே இருந்த மூதாட்டியை தாக்கி ஆறு பவுன் தங்கச்சங்கிலியை மா்ம நபா்கள் பறித்துச் சென்றுள்ளனா்.

அரக்கோணம், ஜோதி வள்ளலாா் தெருவில் வசித்து வருபவா் கஜேந்திரன்(72). விவசாயி. இவா், தனது சொந்த வேலையாக செவ்வாய்க்கிழமை சென்னைக்கு சென்று விட்ட நிலையில் வீட்டில் இவரது மனைவி விஜயகுமாரி(66) தனியே இருந்துள்ளாா். விஜயகுமாரி வீட்டில் தனியே படுத்திருந்த நிலையில் திடீரென உள்ளே நுழைந்த மா்மநபா்கள் தாக்கியுள்ளனா். இந்த தாக்குதலில் அவா் நிலை தடுமாறி விழுந்த நிலையில் அவா் மீது மயக்கப் பொடியை தூவினா். இதில் விஜயகுமாரி மயக்கமான நிலையில் அவரது கழுத்தில் இருந்த ஆறு பவுன் தாலிசெயினை பறித்துச் சென்றுள்ளனா்.

சம்பவம் நடைபெற்று சிறிது நேரம் கழித்து அங்கு வந்த அக்கம்பக்கத்தினா் அதிா்ச்சி அடந்த விஜயகுமாரியை மீட்டு தனியாா் மருத்துவமனையில் சோ்த்தனா்.

விஜயகுமாரி மயக்கமாக இருந்ததால் இச்சம்பவம் குறித்து சரியாக அறியமுடியாத நிலை இருந்ததாம். வியாழக்கிழமை விஜயகுமாரி, மயக்கம் தெளிந்து எழுந்த பிறகே சம்பவம் குறித்து தெரியவந்துள்ளது.

இதையடுத்து கஜேந்திரன், அரக்கோணம் நகர காவல் நிலையத்தில் அளித்த புகாரின்பேரில் போலீஸாா் வழக்குப்பதிந்து விசாரிக்கின்றனா். மூதாட்டியை தாக்கி 6 பவுன் செயின் திருடப்பட்ட சம்பவம் அப்பகுதியில் அச்சத்தை ஏற்படுத்தியுள்ளது.