சிறுமிக்கு பாலியல் வன்கொடுமை: போக்ஸோ சட்டத்தில் தொழிலாளி கைது

ராணிப்பேட்டை அருகே 16 வயது சிறுமியைக் கடத்தி பாலியல் வன்கொடுமை செய்ததாக போக்ஸோ சட்டத்தின் கீழ் தொழிலாளி புதன்கிழமை கைது செய்யப்பட்டார். 
ராணிப்பேட்டையை அடுத்த  புளியங்கண்ணு கிராமத்தைச் சேர்ந்தவர் வெங்கடேசன் (45). தொழிலாளியான இவர், அதே கிராமத்தைச் சேர்ந்த 16 வயது சிறுமியைக் கடத்திச் சென்று பாலியல் வன்கொடுமை செய்ததாகக் கூறப்படுகிறது. 
இதுகுறித்து சிறுமியின் பெற்றோர் சிப்காட் காவல் நிலையத்தில் புகார் அளித்தனர். 
அதன்பேரில், சிப்காட் போலீஸார் வழக்குப் பதிவு செய்து, வெங்கடேசனை போக்ஸோ சட்டத்தின் கீழ் புதன்கிழமை கைது செய்து, ராணிப்பேட்டை நீதிமன்றத்தில் ஆஜர்படுத்தி, சிறையில் அடைத்தனர்.